Aktyvist Jeŭramajdanu ŭ Kijevie, lvavianin Ivan Bubienčyk šukaje žurnalista Ivana Sijaka, z metaj abviaržeńnia skandalnaha intervju, u jakim havorycca pra zabojstva dvuch siłavikoŭ u dni Revalucyi Hodnaści.
Pra heta ŭ piatnicu, 19 lutaha, paviedamlaje «Ŝodieńnij Lviv».
Pa słovach Bubienčyka, jon davaŭ intervju Sijaku, adnak ničoha nie kazaŭ pra toje, što zabiŭ strełam z aŭtamata dvuch «bierkutaŭcaŭ».
«U telefonnaj razmovie… Bubienčyk skazaŭ, što ŭčora ŭ Kijevie sapraŭdy sustrakaŭsia ź nieznajomym da hetaha času čałaviekam, jaki nazvaŭsia Ivanam Sijakam (dakumientaŭ jon nie pakazvaŭ), i daŭ jamu intervju-uspamin. Adnak pra takija dva zabojstvy Ivan Bubienčyk nie raspaviadaŭ i ciapier sam šukaje Ivana Sijaka, kab toj abvierh raspaŭsiudžanuju im iłžyvuju infarmacyju na sajcie Bird In Flight», — havorycca ŭ tekście.
U publikacyi pryvodzicca videa z uspaminami Bubienčyka. «Karespandent «ŜŁ» pierahledzieŭ hetaje videa — u im ni słova pra zabojstvy. A raspaŭsiudžana jano na kanale ŭ You Tube, što nazyvajecca na ruskaj movie «Ivan Bubienčik». Adno videa na ŭvieś kanał», — havorycca ŭ tekście. Taksama ŭ artykule adznačajecca, što jość jašče inšy kanał z nazvaj na ŭkrainskaj movie («Ivan Bubienčik») i tam hetaha videasiužetu niama.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było6
Kamientary