«Motaršou» ŭ Biełarusi ŭ 2016 hodzie pravodzicca nie budzie, paviedamiŭ siońnia na pres-kanfierencyi Biełaruskaj aŭtamabilnaj asacyjacyi kiraŭnik TAA «Remark», jakoje źjaŭlajecca arhanizataram šou, Dźmitryj Jarota.
«Pravodzić sioleta «Motaršou» nie budziem. Z času apošniaha padobnaha mierapryjemstva prajšło ŭžo bolš za try hady. My razumiejem, što treba vychodzić na placoŭku, treba mieć znosiny z patencyjalnymi pakupnikami. Spadziajusia, da 2017 hoda situacyja źmienicca», — adznačyŭ Jarota.
Pavodle jaho słoŭ, ciapier aŭtadyleram niavyhadna ŭdzielničać u takich mierapryjemstvach. «Voźmiem, da prykładu, Mercedes ci Audi. Da ich stendaŭ vystaŭlajucca surjoznyja patrabavańni, heta kaštuje dobrych hrošaj. Viadoma, ludzi pryjduć na vystavu, ale kudy jany pajeduć kuplać mašyny? Chutčej za ŭsio, paśla vystavy dziakuj skažuć maskoŭskija aŭtadylery», — padkreśliŭ Jarota.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary