Stadler pieranakiruje zakazy ź inšych zavodaŭ u Fanipal dla dazahruzki mahutnaściaŭ

Stadler Rail Group płanuje pieranakiravać zakazy ź inšych zavodaŭ kampanii ŭ Fanipal (Dziaržynski rajon Minskaj vobłaści) dla dazahruzki vytvorčych mahutnaściaŭ, paviedamiŭ 10 lutaha padčas pres-kanfierencyi na ZAT «Štadler Minsk» staršynia praŭleńnia i ŭładalnik šviejcarskaj kampanii Pieter Špuler.

Pavialičyć

Niehatyŭna paŭpłyvała na dziejnaść zavoda «Štadler Minsk» značnaje padzieńnie rynkaŭ krain SND z-za źnižeńnia cen na naftu i haz, devalvacyi rubla, a taksama sankcyj suprać Rasii. U hety momant mahutnaści pradpryjemstva ŭ Fanipali zahružanyja na 30-40%.

Svaju rolu tut adyhrali prablemy ź finansavańniem bujnoj zamovy rasijskaj kampanii «Aeraekspres». Pieršapačatkova baki padpisali kantrakt na 25 ciahnikoŭ. Zatym zakaz byŭ skarektavany da 24 ciahnikoŭ. Ciapier rasijskaja kampanija hatovaja kupić 11 ciahnikoŭ.

«Kantrakt składzieny ŭ jeŭra. U śniežni 2014 hoda naš klijent źviarnuŭsia da nas i paviedamiŭ, što jamu budzie prablematyčna apłacić hety zakaz z-za ekanamičnych pryčyn, bo ŭ vyniku abvału rubla našy ciahniki dla ich stali ŭ dva razy daražejšyja», — adznačyŭ Špuler.

Na praciahu hoda kampanija viała aktyŭnyja pieramovy z «Aeraekspresam», bankami, jakija dajuć kredyty, taksama z kampanijaj, što strachuje ryzyki, i ŭ vyniku baki pryjšli da taho, što 11 elektraciahnikoŭ buduć pieradadzienyja «Aeraekspresu».

«My ŭžo atrymali pieršyja płaciažy bolšaha pamieru. I što jašče važna — u nas jość taksama strachavańnie ekspartnych ryzyk zhodna z hetym kantraktam. Šviejcarskaja kampanija, jakaja strachuje ryzyki, padvoiła termin vypłaty kredytu, jaki ŭ vyniku składaje bolš za 20 hadoŭ. Heta pryviało da taho, što štohadovy finansavy ciažar dla «Aeraekspresa» zaraz prymalny», — padkreśliŭ uładalnik Stadler Rail Group.

Adhruzić 11 ciahnikoŭ «Aeraekspresu» płanujecca ŭ sioleta. Astatniuju častku zamovy «Štadler Minsk» płanuje pradać u Azierbajdžan i inšyja krainy SND.

«Try ciahniki ŭžo ŭ Azierbajdžanie, dva hatovyja da adpraŭki. Taksama isnuje mahčymaść, što jašče piać ciahnikoŭ buduć pradadzienyja ŭ Azierbajdžan. Zastajucca jašče try ciahniki. Ja dumaju, što jany buduć realizavanyja inšym zamoŭcam u SND, tamu my možam skazać, što vyrašym prablemu biez mahčymaj škody», — skazaŭ Špuler.

Dla dazahruzki vytvorčych mahutnaściaŭ płanujecca ŭ tym liku pieradać zakazy ź inšych zavodaŭ Stadler Rail Group na zavod u Fanipali.

«My pierakananyja, što sioleta zdolejem zapoŭnić mahutnaści. My robim surjoznyja namahańni, kab intensifikavać naš prodaž na rynkach. Taksama na hety momant iduć intensiŭnyja pieramovy z nahody taho, kab asobnyja zakazy pieranieści ź inšych zavodaŭ na zavod u Fanipali», — adznačyŭ uładalnik Stadler Rail Group.

Šviejcarskaja kampanija praciahnie inviestycyi ŭ zavod. Sioleta płanujecca nakiravać 4-5 młn. jeŭra na zakupku abstalavańnia dla miechaničnaj apracoŭki aluminijevych profilaŭ.

«My ŭpeŭnienyja ŭ hetym zavodzie, jaho raźmiaščeńni. Uzrovień jaho supracoŭnikaŭ prosta vydatny. Akramia taho, my zaŭsiody atrymlivali ŭsioabdymnuju padtrymku jak z boku ŭrada, tak i miascovych uładaŭ. My taksama pierakananyja, što palityčnyja i ekanamičnyja kryzisy kaliści pavinny skončycca i rynki na Uschodzie znoŭ pavinny zakvitnieć», — skazaŭ Špuler.

Prajekt pa stvareńni vytvorčaści elektraciahnikoŭ u Fanipali startavaŭ u śniežni 2011 hoda. Tady ŭ Biełarusi było stvorana AAT «Elektryčny transpart». 60% akcyj kampanii naležała Stadler Rail Group, astatniaja častka ŭ vyhladzie aktyvaŭ chołdynha «Biełkamunmaš» — Minabłvykankamu.

U 2014 hodzie kampanija Stadler vykupiła 40-pracentnuju dolu ŭ biełaruskich uładaŭ i stała adzinym uładalnikam akcyj pradpryjemstva. Spačatku jano było pieraŭtvoranaje ŭ AAT «Štadler Minsk», a zatym — u ZAT z takoj ža nazvaj. U krasaviku 2014 hoda ŭ Fanipali było zavieršanaje budaŭnictva zavoda pa vytvorčaści elektratranspartu. U jaho stvareńnie Stadler inviestavaŭ 50 młn jeŭra.

• 0
• 0
• 0
• 0
• 0
• 0
• 0
• 0