U ZŠA paśpiachova pierazapuścili šmatrazovuju rakietu-nośbit
Aerakaśmičnaja kampanija Blue Origin abviaściła pra zapusk i paśpiachovaje pryziamleńnie subarbitalnaj rakiety New Shepard — heta taja ž samaja rakieta-nośbit, jakuju kampanija vyprabavała ŭ listapadzie.
New Shepard dasiahnuŭ vyšyni 101,7 km, paśla hetaha kapsuła i šmatrazovaja stupień rakiety paśpiachova pryziamlilisia dla paŭtornaha vykarystańnia paśla adpaviednych rabot na ich.
Takim čynam Blue Origin stvaryła pieršuju kamiercyjnuju viertykalnuju rakietu, jakuju ŭdałosia zapuścić u kosmas ŭ druhi raz.
Raniej jašče adnoj pryvatnaj kaśmičnaj kampanii SpaceX nie ŭdałosia ažyćciavić kiravany spusk rakiety-nośbita dla taho, kab vykarystoŭvać jaje znoŭ.
Jak paviedamlałasia, rakietu padviała adna z apor, jakija vysoŭvajucca. Hetaja apora pavinna była zachavać jaje ŭ viertykalnym stanoviščy paśla pasadki.
Adnak, jak adznačajuć śpiecyjalisty, paraŭnoŭvać zapuski rakiet Blue Origin i SpaceX niekarektna. Kampanija SpaceX zajmajecca pastaŭkaj hruzaŭ na MKS, jaje rakiety ruchajucca sa značna bolšaj chutkaściu, padnimajučysia na bolšuju za New Shepard vyšyniu.
Blue Origin taksama raspracoŭvaje trochmiesny kaśmičny karabiel, pryznačany dla niadoŭhich subarbitalnych palotaŭ.
Kiraŭnik Blue Origin Džef Bezas źjaŭlajecca uładalnikam i zasnavalnikam internet-kampanii Amazon.com.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary