Bolš za sto piensijanieraŭ uziali ŭdzieł u pratestnaj akcyi ŭ Sočy, vystupajučy suprać admieny z 1 studzienia lhotnych prajaznych dla piensijanieraŭ, jakija atrymlivajuć piensiju vyšej za 7700 rubloŭ.
Udzielniki akcyi stali na piešachodnym pierachodzie praz adnu z hałoŭnych vulic horada. Vidavočcy kažuć, što ŭ vyniku ŭ centry Sočy ŭtvaryłasia vializny aŭtamabilny zator.
Pavodle źviestak miascovych ŚMI, paśla taho, jak palicejskija prymusili piensijanieraŭ vyzvalić darohu, demanstranty rušyli ŭ bok meryi.
Da pratestoŭcaŭ vyjšaŭ mer Sočy Anatol Pachomaŭ, jaki paviedamiŭ, što ŭ haradskim biudžecie niama srodkaŭ dla zabieśpiačeńnia lhotnych prajaznych na hramadski transpart.
Jon taksama paviedamiŭ, što ŭ funkcyi kiraŭnika horada vyrašeńnie pytańnia ab prajaznych nie ŭvachodzić, pakolki rašeńnie ab ich admienie było pryniata na ŭzroŭni krajovaj ułady.
Jak paviedamlajuć miascovyja ŭłady, akcyja nie była ŭzhodnienaja z haradskimi ŭładami.
Jašče adna akcyja pratestu piensijanieraŭ prajšła ŭ Krasnadary. Jak paviedamlaje «Novaja hazieta», jany pryjšli da administracyi kraju i damahlisia aŭdyjencyi.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary