Pradstaŭniki Rasii kažuć pra hatoŭnaść Maskvy da sychodu Bašara Asada z pasady prezidenta Siryi ŭ ramkach pierachodnaha pracesu, raspaviali Reuters dypłamaty z zachodnich krain.
«U pryvatnych razmovach rasijanie kažuć, što hatovyja pryniać sychod Asada pa vynikach pierachodnaha pieryjadu, — paviedamiŭ adzin z dypłamataŭ. — Prosta pakul jany nie hatovyja zajavić pra heta adkryta». Jaho słovy paćvierdzili niekalki kalehaŭ ź inšych dziaržaŭ.
Surazmoŭcy vydańnia adznačajuć, što pakul pamiž pazicyjami Zachadu i Rasii pa siryjskaj prablemie zastajucca istotnyja adroźnieńni, adnak «razryŭ pastupova skaračajecca». Pry hetym Maskva vykazvaje bolš dystancyjavacca ad Bašara Asada, čym inšy klučavy sajuźnik siryjskaha prezidenta — Tehieran. U Iranie praciahvajuć nastojvać na zachavańni Asada va ŭładzie.
Adzin vysokapastaŭleny dypłamat raspavioŭ ahienctvu, što rasijskija ŭłady ŭžo padrychtavali śpis patencyjnych kandydatur na zamienu Asadu.
Kamientary