U bajnecie zapuścili biaspłatny servis, jaki dazvalaje na asnovie sproščanych ałharytmaŭ acanić šancy na atrymańnie kredytu. Pra heta paviedamili ŭ pres-słužbie «Alfa-Banka» (Biełaruś), jaki vystupiŭ partnioram prajekta.
Servis raspracavany kampanijaj «Alfa-Ńjus» sumiesna z «Alfa-Bankam». U banku miarkujuć, što takoha kštałtu prajekty dazvolać skaracić dystancyju pamiž bankami i pazyčalnikami, a taksama buduć sadziejničać pavyšeńniu finansavaj kampietentnaści nasielnictva.
Anłajn-test, pakarystacca jakim možna pa adrasie http://viberi.by/credit/alfascoring, dazvalaje vyznačyć vierahodnaść atrymańnia spažyvieckaha kredytu na asnovie sacyjalna-demahrafičnych faktaraŭ, jakija banki tradycyjna ŭličvajuć pry acency kredytazdolnaści patencyjalnych pazyčalnikaŭ. Vynik adlustroŭvajecca ŭ vyhladzie družalubnych hrafičnych vyjaŭ troch vidaŭ. Jon zaležyć prykładna ad 20 pakazčykaŭ, u tym liku ŭzrostu, śfiery zaniataści, uzroŭniu kvalifikacyi, pracoŭnaha stažu, najaŭnaści nieruchomaści, aŭtamabila i inš.
Acenki biaspłatnaha servisu chacia i nabližanyja, ale nie identyčnyja vynikam kredytnaha skorynhu, jakim karystajucca banki pry acency svaich klijentaŭ. «Bank uličvaje značna bolšuju kolkaść faktaraŭ, jakija va ŭmovach hiejmifikacyi uličyć i raźličyć praktyčna niemahčyma, tym bolš što kančatkovaje rašeńnie zaležyć ad płaciežazdolnaści patencyjalnaha pazyčalnika, jakuju servis nie ŭličvaje. To bok pazityŭny «smajlik» nie źjaŭlajecca harantyjaj atrymańnia kredytu, hetak ža jak jon i nie ciahnie za saboj jakich-niebudź abaviazacielstvaŭ», — rastłumačyli ŭ «Alfa-Banku».
Razam z tym anłajn-test dazvolić patencyjalnamu pazyčalniku bolš realna acanić svaje mahčymaści i nabyć upeŭnienaść u svaich siłach.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie31
Kamientary