Papa Francišak, vystupajučy z tradycyjnaj niadzielnaj propaviedździu «Anhiełus» z akna Apostalskaha pałaca, jaki vychodzić na zapoŭnienuju viernikami płošču Sv. Piatra, vykazaŭ «hłyboki bol i brackuju salidarnaść prezidentu Francyi i ŭsiamu francuzskamu narodu ŭ suviazi z varvarskimi kryvavymi akcyjami».
Jon asudziŭ «šlach hvałtu i nianaviści» i zajaviŭ, što «vykarystoŭvać imia Božaje ŭ hvałcie — heta bluźniersva». U svaim kazańni papa nazvaŭ Francyju «pieršaj dačkoj carkvy ŭ Jeŭropie».
Napiaredadni ŭ intervju dla katalickaha telekanała TV-2000 rymski pieršaśviatar vykazaŭ svoj smutak: «Ja hłyboka zasmučany, takija rečy ciažka zrazumieć, ich stvaryli ludzi. Ja malusia i ja vielmi blizki da ŭlubionaha francuzskaha naroda, ja pobač ź siemjami achviar i malusia za ŭsich».
Papa Francišak padkreśliŭ, što toje, što adbyłosia ŭ Paryžy, źjaŭlajecca «frahmientam Treciaj suśvietnaj vajny pa častkach, jakuju ciapier pieražyvaje naš śviet».
Pavodle pierakanańnia pantyfika, «takim rečam niama nijakaha apraŭdańnia — ni relihijnaha, ni čałaviečaha… Ja vielmi blizki da ŭsich, chto pakutuje, i da ŭsioj horača kachanaj Francyi».
Na samaj hałoŭnaj vatykanskaj płoščy i ŭ prylehłych da Vatykana rymskich rajonach uzmocnienyja miery biaśpieki. Akramia supracoŭnikaŭ žandarmieryi Vatykana i haradskoj palicyi, paradak achoŭvajuć vajskovyja patruli.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»62
Kamientary