Palicyja šaści jeŭrapiejskich krain aryštavała pa mienšaj miery 15 členaŭ isłamisckaj vajenizavanaj hrupoŭki, jakaja płanavała ataki ŭ Paŭnočnaj Jeŭropie i na Blizkim Uschodzie.
Pra heta paviedamlaje Reuters sa spasyłkaj na zajavu italjanskaj palicyi.
Patencyjnyja terarysty byli zatrymanyja ŭ Italii, Vialikabrytanii, Narviehii, Finlandyi, Hiermanii i Šviejcaryi.
Bajeviki płanavali ataki suprać narviežskich i brytanskich dypłamataŭ na Blizkim Uschodzie, a taksama palitykaŭ u Narviehii.
U toj ža čas palicyja nie paviedamiła nijakaj dadatkovaj infarmacyi pra patencyjnyja mety abo časovyja ramki napadaŭ.
Padčas rejdu, u pryvatnaści, byli zatrymanyja pradstaŭniki terarystyčnaj hrupy Rawti Shax, jakaja mieła na mecie zrynuć kurdski ŭrad na poŭnačy Iraka.
«Heta było nievierahodna składanaje rasśledavańnie, jakoje praciahvajecca ŭžo na praciahu piaci hadoŭ», — skazaŭ kiraŭnik padraździaleńnia pa antyterarystyčnaj dziejnaści i baraćbie z mafijaj Italii Franka Robiert.
U cełym było vydadziena 17 orderaŭ na aryšt, 15 padazravanym jany byli ŭručanyja adrazu.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary