Štab ATA: RF rychtuje maštabnuju pravakacyju, kab abvinavacić Ukrainu ŭ hienacydzie
Štab ATA zajaviŭ ab padrychtoŭcy Rasijaj maštabnaj pravakacyi suprać Ukrainy dla vychadu z «minskaha» pieramoŭnaha pracesu.
Pra heta na tradycyjnym bryfinhu ŭ čaćvier zajaviŭ śpikier Administracyi pa pytańniach ATA Andrej Łysienka.
Pavodle jaho słoŭ, Rasija rychtuje pravakacyju z hibiellu 500 čałaviek u nasielenym punkcie Sakolniki na Łuhanščynie dla zvarotu ŭ Mižnarodny kryminalny sud u Haazie, abvinavaciŭšy Ukrainu ŭ hienacydzie ruskamoŭnaha nasielnictva.
«Z metaj adciahnieńnia ŭvahi ad trahičnych padziej u Siryjskaj arabskaj respublicy, dzie zafiksavanyja nie adzinkavyja vypadki hibieli hramadzianskaha nasielnictva ad dziejańniaŭ uzbrojenych sił Rasijskaj Fiederacyi, kiraŭnictva Rasii rychtuje pravakacyju mižnarodnaha maštabu suprać Ukrainy», — skazaŭ Łysienka.
«Jaje meta — dyskredytacyja kiraŭnictva našaj dziaržavy, atrymańnie padstavy dla padačy pazovu suprać Ukrainy ŭ Mižnarodny kryminalny sud u Haazie, a taksama stvareńnie padstaŭ dla vychadu RF z «minskaha pracesu», — adznačyŭ jon.
Pa słovach Łysienki, ažyćciaŭlajecca fabrykacyja psieŭdadokazaŭ tak zvanaha «hienacydu Ukrainaj ruskamoŭnaha nasielnictva Danbasa».
«U pryvatnaści vyrablajucca dakumientalnyja materyjały pra nibyta źniščeńnie ŭkrainskimi vajskoŭcami kala 400 damoŭ i 500 čałaviek, u tym liku žančyn, dziaciej i pažyłych ludziej siała Sakolniki Słavianasierbskaha rajona Łuhanskaj vobłaści, jakoje ciapier znachodzicca na časova-akupavanaj terytoryi niepadalok linii raźmiežavańnia», — skazaŭ Łysienka.
Da praviadzieńnia hetaj pracy pryciahvajucca supracoŭniki FSB, HRU HŠ US RF, Śledčaha kamiteta Rasii, a taksama pradstaŭniki tak zvanych «siłavych struktur» «ŁNR».
Prapahandysty vykarystoŭvajuć realnyja fakty razbureńniaŭ vioski Sakolniki i hibieli jaho žycharoŭ, jakija paciarpieli ad ruk bajevikoŭ i rasijskich vojskaŭ u chodzie bajavych dziejańniaŭ u kancy 2014 — pačatku 2015 hoda.
Na asnovie hetych faktaŭ, jakija buduć pradstaŭlenyja ŭ jakaści tak zvanych «vynikaŭ rasśledavańnia pravaachoŭnych orhanaŭ «ŁNR», užo rychtujucca infarmacyjna-prapahandysckija materyjały dla ŚMI i sudovyja pazovy.
Dla nahniatańnia atmaśfiery isteryi i nianaviści płanujecca praviadzieńnie histaryčnych paralelaŭ z trahičnymi padziejami ŭ Chatyni padčas Druhoj Suśvietnaj vajny i juhasłaŭskich vojnaŭ 90-ch hadoŭ.
U toj ža čas ažyćciaŭlajecca psichałahičnaja apracoŭka miascovaha nasielnictva, akupanty sprabujuć schilić da akazańnia nieabchodnych dla Rasii «pakazańniaŭ», adznačyli ŭ štabie ATA.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary