Nacyjanalny bank Biełarusi zapytaje ŭ vytvorcy novych biełaruskich hrošaj raskryć jaho imia. Ab hetym u intervju prahramie «Hałoŭny efir» telekanała «Biełaruś 1», pakazanym viečaram 8 listapada, paviedamiŭ namieśnik staršyni praŭleńnia Nacbanka Dźmitryj Łapko.
«My nie možam raskryvać imia vytvorcy, bo ŭ nas jość kantraktnyja abaviazacielstvy. Ale z ulikam uźnikłaj cikavaści, my, kaniešnie ž, zapytajem u vytvorcy mahčymaść raskryć jaho imia, kali heta tak chvaluje internet-supolnaść i asabliva žurnalistaŭ», — skazaŭ pradstaŭnik kiraŭnictva Nacbanka.
Pry hetym jamu zdajecca, što hetaje pytańnie «cikavić vyklučna internet».
Havoračy ab pasyłach praviadzieńnia hrašovaj reformy ŭ krainie, Łapko zajaviŭ: «U jakaści ŭmoŭ dla praviadzieńnia denaminacyi nieabchodna, kab byŭ nizki ŭzrovień inflacyi. Sioleta ŭ nas pastupalna inflacyja źnižajecca. Z pačatku hoda jana źniziłasia z 17,1% da 11,9%. Na nastupny hod Nacyjanalny bank prahnazuje inflacyju kala 12%. Značyć, my miarkujem, što ŭmovy składvajucca, i ŭžo možna heta rabić, tym bolš što da 2020 hoda my prahnazujem inflacyju ŭ pamiery 5%».
Adkazvajučy na pytańnie ab metazhodnaści ŭ viek internetu, infarmacyjnych technałohij, elektronnych płaciažoŭ pačatku suvierennaj biełaruskaj manietnaj historyi, kali ŭpieršyniu amal za 25 hadoŭ u krainie źjaviacca žaleznyja hrošy, Dźmitryj Łapko adznačyŭ: «Na siońnia košt vytvorčaści adnoj maniety, adnoj banknoty praktyčna paraŭnavaŭsia. Ale pry hetym termin słužby adnoj maniety składaje ad 10 da 15 hadoŭ, a termin słužby adnoj raźmiennaj banknoty — ad 6 da 12 miesiacaŭ».
Łapko asabliva papiaredziŭ, što abmien kupiur pačniecca 1 lipienia 2016 hoda. «I da hetaj daty nichto i nidzie nie moža abmieńvać staryja hrošy na novyja. Kali vam prapanoŭvajuć heta zrabić, viedajcie, heta machlary», — skazaŭ jon.
Kamientary