Śpiecyjalisty Suśvietnaj arhanizacyi achovy zdaroŭja (SAAZ) i Mižnarodnaha ahienctva pa vyvučeńni raka pryjšli da vysnovy: štodzionnaje spažyvańnie bolš za 50 h pierapracavanaha miasa — kiłbas, sasisak abo viandliny — pavyšaje ryzyku ŭźniknieńnia raku kišačnika na 18%, paviedamlaje Bi-bi-si.
Jak śćviardžajuć daśledčyki, samo miasa škody nie niasie — kancerahiennym efiektam škodny tyja rečyvy, jakija vykarystoŭvajucca pry jaho pierapracoŭcy ŭ kiłbasy. Adnak niahledziačy na toje, što miasa ciapier staić u adnym šerahu z takimi kancerahienami jak tytuń ci ałkahol, stupień jaho niebiaśpieki značna nižejšaja.
«Indyvidualnaja ryzyka raźvićcia kałarektalnaha raku z-za spažyvańnia miasnych praduktaŭ zastajecca davoli nizkaj, ale jana pavyšajecca z pavieličeńniem kolkaści źjadajemaha pierapracavanaha miasa», — kamientuje śpiecyjalist SAAZ Kurt Strajf.
Navukoŭcy nahadvajuć, što čyrvonaje miasa maje i karysnyja ŭłaścivaści — jano bahataje vitaminam V12, cynkam i žalezam.
Kamientary