Moładzievyja aktyvisty AHP pieradali UP Harramaŭtadar «Mienharvykankamu» tualetnuju papieru ŭ adkaz na patrabavańnie spahnać z arhanizataraŭ Eŭrapiejskaha maršu bolš za 2,1 młn. rubloŭ.
Jak paviedamiŭ BiełaPAN namieśnik staršyni arhanizacyi Michaił Paškievič, pieradača tualetnaj papiery prajšła ŭ ofisie pradpryjemstva, jakoje vystaviła sudovy isk zajaŭnikam Jeŭrapiejskaha maršu.
Unitarnaje pradpryjemstva «Harramaŭtadar Minharvykankama» patrabuje spahnać z zajaŭnikaŭ maršu 2 miljony 135 tysiač 974 biełaruskija rubli.
Jak zhadana ŭ isku, pry praviadzieńni Jeŭrapiejskaha maršu 14 kastryčnika 2007 hoda ŭ Minsku arhanizatary akcyi źmianili miesca zboru, maršrut ruchu i miesca praviadzieńnia, jakija byli ŭstanoŭleny Minharvykankamam, pry hetym «Kastryčnickaja płošča i tratuary praśpiekta Niezaležnaści na ŭčastku ad Kastryčnickaj płoščy da vuł. Surhanava byli vielmi zabrudžany, što paciahnuła dadatkovyja raschody pa pryborcy i vyvazie śmiećcia».
Asobnym artykułam raschodaŭ była ŭkazana tualetnaja papiera — pavodle padlikaŭ «Harramaŭtadara», za čas praviadzieńnia Jeŭrapiejskaha maršu jaje było zraschodavana čatyry rułony.
«Padčas pieradačy tualetnaj papiery hienieralnaha dyrektara Ivana Hurynoviča na pracoŭnym miescy nie było. Jaho sakratar paviedamiła nam, što dyrektar nie infarmuje jaje ab svaim miescaznachodžańni. Tym nie mienš jana łaskava pahadziłasia pryniać padarunak dla svajho šefa», — skazaŭ M.Paškievič.
«Košt adnaho rułona bolš za 800 rubloŭ — zamiest 325 rubloŭ, jakija Hurynovič prosić u svaim isku. Dumaju, heta pavinna kampiensavać jaho maralnyja i duchoŭnyja pakuty. Škada, što nie zmahli pieradać naš padarunak u ruki Ivana Vasiljeviča. Zatoje, dumaju, pra padarunak praz hadzinu budzie viedać usia ich arhanizacyja», — paviedamiŭ M.Paškievič.
-
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»
-
Małady dzied z Karmy zachacieŭ dałučyć Sumy da Rasii. Praktyčny vynik — unučka ŭ Mazyry ubačyć jaho tolki na fota
-
Prapanavali zamacavać zakanadaŭča abaviazak brać udzieł u pierapisie
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony4
Kamientary