…A toj nie pryjechaŭ.
U Fierhanskaj vobłaści Uźbiekistana miascovych žycharoŭ prymusili pryklejvać sabranuju bavoŭnu nazad na ściabliny. Pra heta paviedamiła «Radyjo Ozodlik» (miascovaja słužba radyjo «Svaboda»). Takim čynam, pavodle źviestak radyjostancyi, miascovaje načalstva vyrašyła padrychtavacca da vizitu premjer-ministra Šaŭkata Mirzijajeva - kab pakazać jamu «bahaty ŭradžaj».
Jak raspaviali krynicy radyjostancyi, heta adbyłosia ŭ kancy vieraśnia ŭ Kušciepinskim rajonie.
Ukazańnie, pa ich źviestkach, zychodziła ad abłasnoj administracyi: jana daručyła «zabiaśpiečyć śniežnuju bieliznu bavaŭnianych paloŭ, raźmieščanych uzdoŭž aŭtamabilnych daroh, pa jakich čakaŭsia prajezd kartežu vysokapastaŭlenaha čynoŭnika».
«U pole, dzie rasła bavoŭna, ubačyŭ natoŭp bolš za 400 mužčyn i žančyn. Padyšoŭ da ich bližej i ŭbačyŭ, što va ŭsich u rukach byŭ klej PVA. Adny namazvali klejem skrynački bavoŭnika, a inšyja pryklejvali ŭ hetyja skrynački ŭžo sabranuju «vatu» bavoŭny, - raspavioŭ reparcior «Ozodlik». - Kali ja spytaŭsia ŭ ich, čamu jany tak robiać, jany adkazali: pryjedzie premjer-ministr, tamu nam skazali, kab usio vyhladała pryhoža».
Infarmacyju paćvierdziŭ taksama adzin ź miascovych fiermieraŭ. Pavodle jaho słoŭ, da takoha rodu prac pryciahnuli bolš za 500 čałaviek.
Mierapryjemstva pry hetym nie dasiahnuła svajoj mety. Pa dadzienych radyjostancyi,
kiraŭnik urada, jakomu chacieli pakazać pali, u hety rajon nie pryjechaŭ.
Žurnalisty źviarnulisia ŭ abłasnuju administracyju za kamientarami, ale tam zajavili, što prylaplać bavoŭna nikoha nie prymušali.
Raniej, jak adznačajecca, va Uźbiekistanie ŭžo pravodzilisia padobnyja mierapryjemstvy - pierad vizitami prezidenta Isłama Karymava. Viadomy taksama vypadak, kali pierad jaho pryjezdam ludziej prymusili prylaplać da dreŭ štučnyja kvietki.
Žycharoŭ Uźbiekistana štohod u masavym paradku adpraŭlajuć na ŭborku bavoŭny. Da jaje pryciahvajuć, u pryvatnaści, supracoŭnikaŭ biudžetnych arhanizacyj (lekaraŭ, nastaŭnikaŭ), a taksama studentaŭ. U vypadku admovy im pahražajuć roznaha rodu niepryjemnaściami: naprykład, zvalnieńniem. Prodaž bavoŭny źjaŭlajecca adnym z asnoŭnych artykułaŭ uźbiekskaha ekspartu, štohod jon prynosić respublicy sotni miljonaŭ dalaraŭ.
Kamientary