Mižnarodnaje rejtynhavaje ahienctva Standard & Poor's paćvierdziła doŭhaterminovyja i karotkaterminovyja rejtynhi Biełarusi na ŭzroŭni «B-/B», prahnoz — stabilny. Ab hetym havorycca ŭ pres-relizie ahienctva.
U cełym ekśpierty ahienctva kanstatavali, što ŭ Biełarusi pa-raniejšamu słabyja źniešnija pazicyi, u tym liku pa dziarždoŭhu. Razam z tym, adznačaje S&P, pazityŭny ŭpłyŭ na rejtynhi akazvajuć adnosna nizkaja daŭhavaja nahruzka dziaržsiektara i vierahodnaść finansavaj padtrymki ad Rasii.
Jak paviedamlaŭ BiełaPAN, na hetym tydni Standard & Poor's taksama paviedamlała, što prahnazuje dvuchrazovy rost prablemnych kredytaŭ biełaruskich bankaŭ. Sioleta dola prablemnych kredytaŭ u bankaŭskaj sistemie Biełarusi moža dasiahnuć 10%, havorycca ŭ ahladzie, jaki padrychtavali analityki rejtynhavaha ahienctva.
Na dumku Standard & Poor's, biełaruskaja ekanomika, u značnaj stupieni zaležnaja ad źniešnich faktaraŭ, i sioletniaje asłableńnie biełaruskaha rubla «abumović paharšeńnie charaktarystyk fandziravańnia bankaŭskaj sistemy»
Kamientary