Mastak i muzyka Andruś Takindanh napisaŭ abrazy dla Łučajskaha kaścioła
Da 3 kastryčnika ich možna pabačyć u minskim Centry sučasnych mastactvaŭ (Niakrasava, 3).
U Centry adčyniłasia vystava Andrusia Takindanha «Kryžovy šlach. Doška, ałovak, akrył». Sieryja z 14 abrazoŭ Kryžovaha šlachu źjaviłasia jak zamova dla kaścioła ŭ Łučai.
U svaich abrazach Andruś Takindanh paraŭnoŭvaje Kryžovy šlach Jezusa Chrysta sa štodzionnym žyćciom čałavieka, jaho kłopatami, prablemami, ciažkaściami, ale i radaściu, z kryžovym šlacham kožnaha čałavieka.
Abrazy Kryžovaha šlachu spałučany z zamaloŭkami ź sieryi «Mahičnaja mapa», dziakujučy jakim stvarajecca ŭražańnie, što Chrystus kročyć pa vulicach, miastečkach Biełarusi i sustrakajuć Jaho biełaruskija mužčyny i žančyny.
Sam Andruś Takindanh pra svaju vystavu kaža: «Pisaŭ Kryžovy šlach, byccam budavaŭ dom, kasiŭ travu ci rabiŭ jakuju-kolviek prostuju pracu. Litaralny, jak batlejka, kankretny, jak narodny ikanapis, słovam, – doška, ałovak, akrył».
Andruś Takindanh viadomy nie tolki jak mastak, ale i jak muzyka hurtoŭ «Recha» i «Harotnica», a taksama televiadučy.
Naviedać vystavu možna da 3 kastryčnika, kali jana zavieršycca tvorčaj sustrečaj z Takindanham u Centry sučasnych mastactvaŭ (Minsk, vuł. Niakrasava, 3).
Kamientary