Hałoŭnaha specyjalista markietynhu na pradpryjemstvie «Vučhas» Biełaruskaj sielskahaspadarčaj akademii drybinca Andreja Jurkova, jaki adsiedzieŭ 15 sutak u Žodzinskim SIZA, zvolnili z pracy 24 sakavika. Suproć jahonych dačok – 11-hadovaj Darji dy 7-hadovaj Janiny – viałasia «psychalahičnaja vajna»: u škole raspaŭsiudžvalisia čutki, što baćku pasadziać na 2 hady za toje, što spojvaŭ padletkaŭ.
24 sakavika zvolnili nastaŭnika adnoj z mahiloŭskich škołaŭ Aleha Dziačkova, jaki taksama adsiedzieŭ 15 sutak.
Defektolaha dziciačaha sadku ŭ Mastach Viktoryju Salej 12 krasavika zvolnili z pracy – za «prahuły»: z 18 pa 25 sakavika jana była ŭ Miensku, napisaŭšy zajavu pra adpačynak na ŭłasny košt. Aprača taho, joj nia staviać u pašparcie dazvolny štamp na vyjezd za miažu: u pašpartnym stale joj zajavili, što jejnyja dakumenty zabraŭ KDB.
Z pryvatnaj firmy «Eskada» ŭ Miensku za 12 dzion «prahułaŭ» (adsiedžanych u Žodzinskaj turmie) zvolnieny aktyvist AHP Źmicier Zavadzki. Chłopiec navučajecca zavočna na jurfaku BDU – ciapier jamu pahražaje adličeńnie.
U Vaŭkavysku 12 krasavika zvolnili z pracy elektramechanika pryvatnaha handlova-techničnaha centru «Miks» Viktara Vajčuka, siabra inicyjatyŭnaj hrupy A.Milinkieviča. Padčas vybarčaj kampanii ŭ jaho praviali pieratrus: šukali dokazy, što Vajčuk maje dačynieńnie da palityčnych hrafici na ścienach. Dokazaŭ nie znajšli, aktyvist napisaŭ zajavu ŭ rajonnuju prakuraturu. Paśla hetaj zajavy Vajčuk i straciŭ pracu.
U Bieraściejskim dziaržaŭnym universytecie z pracy zvolnili aktyvista kampanii A.Kazulina vykładčyka Valancina Łazarenkava. Padstavaj staŭ «amaralny ŭčynak, niesumiaščalny z pedahahičnaj dziejnaściu»: padčas vybarčaj kampanii Łazarenkava asudzili na 7 sutak aryštu, abvinavaciŭšy ŭ «drobnym chulihanstvie».
Barmena restaracyi «Žuravinka» Siarhieja Karbanoviča zmusili napisać zajavu na sychod z ułasnaha žadańnia paśla 10-sutkavaj adsiedki. Darečy, turemny dziońnik S.Karbanoviča drukavaŭsia na sajcie našaj hazety.
-
Kali pakiety dla ŭpakoŭki ŭ kramie biaspłatnyja, to ich možna brać u luboj kolkaści? Tłumačyć juryst
-
«Dahetul trochi ŭ šoku». Francuz, jakoha biełarusy ŭratavali ad bankructva, raskazaŭ pra tajamnicy svajoj kaviarni
-
Vizažystka z Homiela ŭ honar 9 maja zapisała śviatočny rolik — maksimalna vulharna rasfarbavała 13‑hadovuju dačku
Kamientary