Apieratary pamiracca z mesendžarami?
Biełaruski mabilny apieratar life:) paviedamiŭ pra novy pakiet, što dazvalaje ekanomić amataram pierapiski praz Viber.
Za 9900 rubloŭ možna padklučyć pakiet «life:) Viber», 100 Mb trafiku na jakim buduć razychodvacca tolki na ŭłasna Viber i nie dadaducca da ahulnaha trafiku abanienta. Zvyčajny pakiet trafiku na 100 Mb tym časam kaštuje 10800 rubloŭ.
Pieršy miesiac pasłuhi dajecca biaspłatna. Padklučyć jaje možna na taryfnyja płany «S», «M», «L», «XL», «life:) S», «life:) M», «life:) L», «life:) Unlim», «Android life:)», «life:) 10», «life:) 20», «life:) 21». Niekatoryja ź ich nie majuć uklučanaha biaspłatnaha trafiku. Praŭda, siarod dastupnych taryfaŭ nie paznačany samy tanny z aktualnych — «XS».
Anałahičnyja ŭmovy jość dla inšaha mesendžara — WhatsApp. Padklučyć pasłuhi možna nabraŭšy kod *110#.
Chacia ekanomija ŭ 900 rubloŭ (u paraŭnańni sa zvyčajnym pakietam na 100 Mb) nie takaja vialikaja, u navinie možna pabačyć pazityŭny namiok.
Napačatku hoda Minsuviazi zajaviła, što chacieła by atrymać prybytak ad mesendžaraŭ kštałtu Viber i Skype. Maŭlaŭ, apieratary suviazi majuć značnyja straty ad taho, što abanienty karystajucca mesendžarami. Miarkujučy pa novym pakiecie life:), prynamsi adzin apieratar nie suprać isnavańnia mesendžaraŭ i navat padtrymlivaje ich karystalnikaŭ.
***
Viber — biaspłatnaja biełaruska-izrailskaja prahrama dla pierapiski, aŭdyjo- i videavyklikaŭ (za nievialikuju płatu možna telefanavać na haradskija i mabilnyja numary), dastupnaja dla kampjutaraŭ, smartfonaŭ i płanšetaŭ. U 2014 hodzie nabytaja japonskim IT-hihantam Rakuten za 900 młn dalaraŭ. Z kanca 2010 hoda nabrała 249 młn aktyŭnych karystalnikaŭ — to značyć, amal dahnała Skype. Stvaralniki Viber Ihar Mahazińnik i Talmon Marka zasnavali ŭ Minsku novy prajekt, detali pra jaki pakul trymajucca ŭ sakrecie.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»57
Kamientary