Upraŭleńniem Śledčaha kamiteta pa Hrodzienskaj vobłaści raspačata kryminalnaja sprava ŭ dačynieńni da 16-hadovaha padletka, jaki padazrajecca ŭ zabojstvie, učynienym z abciažarvalnymi abstavinami, paviedamlaje pres-słužba SK.
Uviečary 19 žniŭnia ŭ adnoj z šmatpaviarchovak Hrodna adbyŭsia pažar, padčas tušeńnia jakoha ŭ kvatery było znojdziena cieła piacihadovaha dziciaci. 39-hadovuju maci dziciaci ŭdałosia vyratavać. Dla akazańnia dapamohi jana była špitalizavana ŭ adnu ź miedycynskich ustanoŭ.
Padčas ahladu miesca zdareńnia byli atrymany dokazy hvałtoŭnaj śmierci dziciaci i naŭmysnaha padpału kvatery.
Pa padazreńni ŭ ździajśnieńni nazvanych złačynstvaŭ byŭ zatrymany zvodny brat zahinułaha.
Pavodle papiaredniaj infarmacyi, pamiž im i maci adbyŭsia kanflikt na hlebie asabistych niepryjaznych adnosin, u chodzie jakoha jon zabiŭ małodšaha brata, a taksama pasprabavaŭ pazbavić žyćcia maci. Paličyŭšy, što jana pamierła, jon padpaliŭ kvateru i źbieh.
U dačynieńni da padazravanaha Upraŭleńniem Śledčaha kamiteta Respubliki Biełaruś pa Hrodzienskaj vobłaści raspačata kryminalnaja sprava pa č. 2 art. 139 (naŭmysnaje zabojstva zaviedama małaletniaha) Kryminalnaha kodeksa Respubliki Biełaruś, č.1 art.14, č.2 art.139 (zamach na naŭmysnaje zabojstva dvuch asob, u tym liku zaviedama małaletniaha) Kryminalnaha kodeksa Respubliki Biełaruś i č.2 art.218 (naŭmysnaje źniščeńnie majomaści, ździejśnienaje ahulnaniebiaśpiečnym sposabam) Kryminalnaha kodeksa Respubliki Biełaruś.
U ramkach rasśledavańnia kryminalnaj spravy pryznačany šerah ekśpiertnych daśledavańniaŭ, u tym liku psichołaha-psichijatryčnaja ekśpiertyza ŭ dačynieńni da zatrymanaha.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony2
Kamientary