U Minsku na vychadnych praź śpiakotu abmiežavali praviadzieńnie masavych mierapryjemstvaŭ
U Minsku na hetych vychadnych praź śpiakotu abmiežavanaje praviadzieńnie masavych mierapryjemstvaŭ. Takoje rašeńnie pryniata 6 žniŭnia na pasiadžeńni kamisii pa nadzvyčajnych situacyjach u Minharvykankamie, paviedamlaje pres-słužba Minskaha haradskoha ŭpraŭleńnia MNS.
Praduchilajučy źjaŭleńnie pažaraŭ i paciarpiełych ad ciepłavych udaraŭ hramadzian, kamisija vyrašyła abmiežavać praviadzieńnie masavych mierapryjemstvaŭ na adkrytych terytoryjach (pry mahčymaści — admianić ich). Kali praviadzieńnie mierapryjemstva nieabchodnaje, jaho arhanizatary abaviazanyja pryvieźci na jaho butylavanuju vadu ŭ dastatkovaj kolkaści.
Aprača taho, na terytoryi stalicy zabaroniena vykarystańnie adkrytaha ahniu i piratechničnych vyrabaŭ. Dla praduchileńnia hibieli ludziej na vadzie budzie ŭzmocnieny kantrol za stanam miescaŭ masavaha adpačynku.
Paviedamlajecca, što HUUS Minharvykankama i Minskamu haradskomu ŭpraŭleńniu MNS daručana ŭziać na kantrol vykanańnie hetych patrabavańniaŭ hramadzianami, a hałoŭnamu sanitarnamu ŭraču stalicy — zabiaśpiečyć manitorynh jakaści vady ŭ vadajomach.
Kamientary