Sud Maskoŭskaha rajona Minska 20 lipienia aštrafavaŭ eks-pretendenta ŭ prezidenty Juryja Šulhana na 30 bazavych vieličyń, što ciapier składaje 5 400 000 rubloŭ.
Sudździa Taciana Motyl pryznała Šulhana vinavatym u drobnym chulihanstvie pa artykule 17.1 Kodeksa Respubliki Biełaruś ab administracyjnych pravaparušeńniach. Šulhan taksama abvinavačvaŭsia ŭ ździajśnieńni pravaparušeńnia pa artykule 17.3 KaAP (źjaŭleńnie ŭ hramadskim miescy ŭ stanie apjanieńnia), adnak u sudovym pasiadžeńni heta abvinavačvańnie nie razhladałasia. Rašeńnie pa hetym artykule pavinna pryniać RUUS na praciahu 10 dzion.
Jak skazaŭ supracoŭnik Maskoŭskaha RUUS, jaki prysutničaŭ u jakaści śviedki na pracesie, pa artykule 17.3 KaAP «jašče budziem prymać rašeńnie».
Na 30 bazavych vieličyniaŭ sud aštrafavaŭ i Paŭła Kanavalčyka. Kanavalčyk źjaŭlaŭsia kiraŭnikom inicyjatyŭnaj hrupy Šulhana. Sud pryznaŭ Kanavalčyka vinavatym u drobnym chulihanstvie pa artykule 17.1 KoAP.
Nahadajem, 17 lipienia prykładna a 14.30 Šulhan pryjšoŭ da budynka CVK, kab padać dakumienty na rehistracyju svajoj inicyjatyŭnaj hrupy, u jakuju, pavodle jaho słoŭ, uvachodziać 127 čałaviek. Adnak supracoŭniki milicyi nie puścili Šulhana ŭ budynak Centrvybarkama, zajaviŭšy, što pretendent znachodzicca ŭ stanie ałkaholnaha apjanieńnia.
Pry hetym Šulhan zapeŭniŭ žurnalistaŭ, što «z ranicy nie ŭžyvaŭ i navat hatovy prajści test na ałkahol — hatovy dychnuť».
Prykładna ŭ 15.30 z budynka Doma ŭrada, dzie raźmieščany CVK, vyjšaŭ čałaviek i zrabiŭ Šulhanu zaŭvahu, abvinavaciŭšy jaho ŭ nieadekvatny[ pavodzinach. Šulhan ŭ hety čas paziravaŭ žurnalistam na fonie budynka. Hety ž čałaviek, jaki nie pradstaviŭsia, vyklikaŭ milicyju. Cupracoŭniki milicyi adviali Šulhana i Kanavalčyka z saboj, paviedamiŭšy, što pravierać ich na pradmiet ałkaholnaha apjanieńnia, i kali ŭsio budzie narmalna, to adpuściać. Paźniej žurnalisty bačyli, jak Šulhana z Kanavalčykam pasadzili ŭ milicejski aŭtamabil i pavieźli.
38-hadovy biespracoŭny Juryj Šulhan vyrašyŭ bałatavacca ŭ prezidenty paśla vychadu dekreta №3 ad 2 krasavika 2015 h. «Ab papiaredžańni sacyjalnaha ŭtrymanstva». Jaho vyłučeńnie padtrymała Biełaruskaja partyja «Zialonyja».
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje19
Kamientary