Minskim abłasnym sudom 16 lipienia vyniesieny pryhavor pa kryminalnaj spravie ŭ dačynieńni da 25-hadovaha niepracujučaha, raniej sudzimaha žychara Staŭbcoŭskaha rajona, jaki abvinavačvajecca va ŭčynieńni złačynstva, praduhledžanaha č. 1 art. 14, p.p. 5, 6 č. 2 art.139 KK (zamach na naŭmysnaje supraćpraŭnaje pazbaŭleńnie žyćcia inšaha čałavieka (zamach na zabojstva),učynienaje ahulnaniebiaśpiečnym sposabam i z asablivaj žorstkaściu).
Jak paviedamili BiełaPAN u pres-słužbie Viarchoŭnaha suda, pa hetym składzie złačynstva mužčyna pryznany vinavatym i pryhavorany da 15 hadoŭ pazbaŭleńnia voli.
Jon ža sudom Staŭbcoŭskaha rajona 6 studzienia hetaha hoda, užo źmieščany pad vartu pa spravie ab zamachu na zabojstva, byŭ pryhavorany da adnaho hoda pazbaŭleńnia voli za nievykanańnie patrabavańniaŭ previentyŭnaha nahladu (art. 421 KK).
Ciapier u adpaviednaści z č.č. 3, 5 art. 72 KK pa sukupnaści złačynstvaŭ, šlacham poŭnaha składańnia pryznačanych pakarańniaŭ pa pryhavory Minskaha abłasnoha suda ad 16 lipienia i pa pryhavory suda Staŭbcoŭskaha rajona ad 6 studzienia abvinavačvanamu kančatkova pryznačana pakarańnie ŭ vyhladzie pazbaŭleńnia voli terminam na 16 hadoŭ z adbyvańniem pakarańnia ŭ papraŭčaj kałonii va ŭmovach strohaha režymu.
U adpaviednaści z č. 1 art. 107 KK da abvinavačvanaha prymienieny miery prymusovaha lačeńnia ad chraničnaha ałkahalizmu.
Pryhavor moža być abskardžany i apratestavany va ŭstanoŭlenym zakonam paradku.
Nahadajem, 25-hadovy niepracujučy małady čałaviek byŭ zatrymany 3 studzienia hetaha hoda. Znachodziačysia doma ŭ vioscy Ściacki Staŭbcoŭskaha rajona, na hlebie asabistych niepryjaznych adnosin da svajoj maci 1967 hoda naradžeńnia, majučy namier pazbavić jaje žyćcia, padčas snu apošniaj vyliŭ joj na hałavu, šyju, hrudzi i ruki lohkaŭzharalnuju vadkaść i padpaliŭ. Adnak jaje sužyciel vyklikaŭ «chutkuju», i žančynie była svoječasova akazana kvalifikavanaja miedycynskaja dapamoha.
Joj byli naniesienyja ciažkija cialesnyja paškodžańni, jakija paciahnuli za saboj rasstrojstva zdaroŭja, abiaźviečany tvar i šyja.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary