Viarchoŭnaja Rada Ukrainy pryniała ŭ druhim čytańni i ŭ cełym zakon ab miascovych vybarach, jakija projduć 25 kastryčnika pa ŭsioj terytoryi krainy, akramia Kryma, Sievastopala i asobnych rajonaŭ Danieckaj i Łuhanskaj abłaściej.
Za pryniaćcie zakona prahałasavali 257 narodnych deputataŭ z 320, zarehistravanych u zale pasiadžeńniaŭ.
Pavodle zakonu, prava na vyłučeńnie kandydataŭ majuć partyi, jakija byli zarehistravanyja nie paźniej, čym za 365 dzion da vybaraŭ i źmianili nazvu nie paźniej, čym za 180 dzion da hałasavańnia.
Čarhovyja miascovyja vybary nie buduć pravodzicca ŭ Aŭtanomnaj respublicy Krym i Sievastopali, a taksama ŭ asobnych rajonach Danieckaj i Łuhanskaj abłaściej «u suviazi z učynieńniem RF časovaj akupacyi i ŭzbrojenaj ahresii suprać Ukrainy», havorycca ŭ tekście zakona.
Pieralik administracyjna-terytaryjalnych adzinak, dzie nie buduć pravodzicca vybary, vyznačajecca pastanovaj parłamienta.
Vybarčy barjer dla partyj pavyšany z 3% da 5%.
Na vybarach buduć abiracca deputaty miascovych savietaŭ i kiraŭniki nasielenych punktaŭ.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary