Вярхоўная Рада Украіны прыняла ў другім чытанні і ў цэлым закон аб мясцовых выбарах, якія пройдуць 25 кастрычніка па ўсёй тэрыторыі краіны, акрамя Крыма, Севастопаля і асобных раёнаў Данецкай і Луганскай абласцей.
За прыняцце закона прагаласавалі 257 народных дэпутатаў з 320, зарэгістраваных у зале пасяджэнняў.
Паводле закону, права на вылучэнне кандыдатаў маюць партыі, якія былі зарэгістраваныя не пазней, чым за 365 дзён да выбараў і змянілі назву не пазней, чым за 180 дзён да галасавання.
Чарговыя мясцовыя выбары не будуць праводзіцца ў Аўтаномнай рэспубліцы Крым і Севастопалі, а таксама ў асобных раёнах Данецкай і Луганскай абласцей «у сувязі з учыненнем РФ часовай акупацыі і ўзброенай агрэсіі супраць Украіны», гаворыцца ў тэксце закона.
Пералік адміністрацыйна-тэрытарыяльных адзінак, дзе не будуць праводзіцца выбары, вызначаецца пастановай парламента.
Выбарчы бар'ер для партый павышаны з 3% да 5%.
На выбарах будуць абірацца дэпутаты мясцовых саветаў і кіраўнікі населеных пунктаў.
Каментары