Karparacyja Microsoft prainfarmavała karystalnikaŭ aperacyjnaj systemy Windows Vista pra toje, što pakiet abnaŭleńniaŭ, jaki vyjdzie ŭ siaredzinie sakavika, moža parušyć pracu jak minimum tuzinu inšych prahram, ustalavanych na kamputary.
Bolšaść prahram z vyjaŭlenaj niesumiaščalnaściu z pakietam abnaŭleńniaŭ Service Pack 1 dla Vista zaklikanyja abaraniać kamputary ad virusaŭ, trajanaŭ i roznych sajtaŭ-pastak.
Microsoft była vymušana taksama adklikać abnaŭleńni da Vista, jakija treba było nieabchodna ŭstalavać da instalacyi SP1.
Niekatoryja kamputary, na jakich było zroblena papiaredniaje abnaŭleńnie, zavisali.
U šyroki prodaž pakiet abnaŭleńniaŭ pastupić u sakaviku, a dla klijentaŭ - jurydyčnych asob užo ŭ lutym.
Abarona i nadziejnaść
Pakiety abnaŭleńniaŭ Service Pack ličacca adnymi maštabnych dla roznych aperacyjnych system, raspracavanych Microsoft.
Z dapamohaj SP1 systema Vista stanie jašče bolš abaronienaj i nadziejnaj, zapeŭnivajuć specyjalisty kampanii. Da taho ž u sytsemie dadasca niekalki novych ułaścivaściaŭ.
Prahramy ŭ raspaŭsiudžvanym Microsoft śpisie dadatkaŭ, niesumiaščalnych z SP1, dzielacca na try katehoryi.
Adnyja buduć prosta zablakavanyja pry abnaŭleńni, druhija bolš nielha budzie vykarystoŭvać naahuł, trecija – zhubiać častku svaich funkcyj.
Pałova z 12 zhadanych prahram blakuje virusy ci adsočvaje sajty, jakija naviedvaje karystalnik.
Microsoft papiaredziła, što śpis daloka nie vyčarpalny, tamu budzie lepiej, kali karystalniki sami źviažucca z vytvorcami prahram ŭ vypadku ŭźniknieńnia prablem.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj1
Kamientary