Prezident Rasii Uładzimir Pucin paabiacaŭ premjeru Indyi Narendru Modzi pasprabavać svaje siły ŭ jozie.
«Čym ja jašče nie zajmaŭsia, dyk heta johaj. Ale jana nie moža nie pryciahvać. Ja pasprabuju, što budu ŭ stanie zrabić, zychodziačy z uzroŭniu svajoj spartyŭnaj padrychtoŭki», — skazaŭ Pucin padčas sustrečy z premjeram Indyi, jaki prybyŭ u Ufu na samit BRIKS i ŠAS.
Pa słovach Pucina, u Rasii ź vialikaj cikavaściu staviacca da indyjskaj kultury.
«Kali hladziš na sapraŭdnych johaŭ, zdajecca, što dasiahnuć takoj daskanałaści niemahčyma. I mienavita heta spyniaje», — dadaŭ Pucin.
21 červienia adznačaŭsia pieršy mižnarodny Dzień johi. Narendra Modzi dałučyŭsia da dziesiatkaŭ tysiač tych, chto sabraŭsia na zaniatki ŭ centry Deli, i zrabiŭ niekalki praktykavańniaŭ. Treniroŭka pretenduje na Knihu rekordaŭ Hinesa jak samaja šmatlikaja akcyja pa jozie ŭ śviecie.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary