Zamiest zabaronienych Minhandlem słoŭ pradaŭcy prydumali «parahienieratar»
Zabaronu na słovazłučeńnie vykonvajuć jašče nie ŭsie.
Ad 1 lipienia pradaŭcam u Biełarusi zabaroniena vykarystoŭvać słovazłučeńnie dla tavaraŭ, pryznačanych dla piersanalnaj dastaŭki nikatynu pa srodkach inhalacyi. Pryčyny zabarony nie nazyvalisia, novaj nazvy zamiest zabaronienaha słovazłučeńnia Minhandlu nie prapanavała.
Chacia za parušeńnie praduhledžany štraf, amal tracina kram vykarystoŭvaje zabaronienaje słovazłučeńnie. Kala pałovy nazyvajuć tavar «parahienierataram».
Z prahledžanych «Našaj Nivaj» troch dziasiatkaŭ intrenet-kram 15 vykarystoŭvali słovy «elektronny parahienieratar» (jašče adna vykarystoŭvała i ich, i zabaronienaje słovazłučeńnie), 8 — tolki zabaronienaje słovazłučeńnie. Adna pierajšła na słovy «elektronnyja inhalatary» (jašče adna — častkova, razam z zabaronienym słovazłučeńniem), adna vykarystoŭvaje słova «elektronka».
Traplalisia i ekzatyčnyja varyjanty. Adna krama paźbiahaje nazvy tavaru, ale kali prychodzicca, piša «vejp» (ad anhł. vape, skaračeńnie ad personal vaporizer — piersanalny inhalatar). Druhaja krama vykarystoŭvaje słovazłučeńni «elektronna-nikatynavy atamajzier» i «elektronnaja madyfikavanaja pryłada dla vydzialeńnia pary».
Pra štrafy tym, chto praciahvaje vykarystoŭvać zabaronienaje słovazłučeńnie, pakul nie paviedamlałasia.
Kamientary