Namenklatura stała aziracca na «Vašynhtonski abkam»?
Rucinnaja prezentacyja novych-starych kadraŭ — sp.sp. Mikłaševiča i Vasileviča raptam pieratvaryłasia ŭ davoli rezki vystup Łukašenki na temu niebiaśpiečnych padvodnych płyniaŭ u kiroŭnaj elicie.
Rucinnaja prezentacyja novych-starych kadraŭ — sp.sp. Mikłaševiča i Vasileviča raptam pieratvaryłasia ŭ davoli rezki vystup prezydenta na temu niebiaśpiečnych padvodnych płyniaŭ u namenklatury.
Napačatku Alaksandar Łukašenka padkreśliŭ, što nijakaj nadzvyčajščyny ci persanalnych pretenzijaŭ za hetaj rakiroŭkaj šukać nia varta. Maŭlaŭ, zvyčajnaja ratacyja. Ale potym ton źmianiŭsia.
Vyśvietliłasia: u asobnych dziejačaŭ zašmat ambicyj, «chto-nichto ŭ sudach, prakurory zanialisia palitykaj», «ich chvaluje, jak na nas pahladziać Ameryka dy Eŭraźviaz». Pierapała na arechi i nienazvanym personam z najbližejšaha atačeńnia. Maŭlaŭ, zašmat na siabie biaruć. «Papiaredžvaju Administracyju prezydenta: nijakaha cisku na najvyšejšyja orhany dziaržaŭnaj ułady być nia musić».
«Łukašenka zaŭždy z padazreńniem staviŭsia da svajho atačeńnia, i heta nie adnojčy vychodziła na publiku», — zaznačaje palitolah Valer Karbalevič. Sapraŭdy, nie dalej jak letaś surovy «razbor palotaŭ» napatkaŭ viarchoŭku KHB. Darečy, i vyzvaleńnie Mikłaševiča ad pasady hienprakurora vyhladała spantannym, impulsiŭnym rašeńniem. Z ranicy ŭ toj samy dzień jon zrabiŭ spravazdaču kiraŭniku dziaržavy, atrymaŭ novyja daručeńni i raspavioŭ pra hatovaść ich vykanać pierad telekamierami… A potym jak śnieh na hałavu — ukaz. Ciapier voś vyśviatlajecca, što ŭ prezydenta jość pretenzii da kadraŭ prakuratury.
Dadamo: badaj, nie vypadkova Łukašenka zhadaŭ u vystupie 19 lutaha pra ahladku častki čynavienstva na Zachad. Usio ž fihuravać u roznych čornych śpisach, asabliva kali biełaruski ekanamičny cud pakrysie ździmajecca i sam kiraŭnik dziaržavy robić peŭnyja sastupki Eŭropie dy Vašynhtonu, — asabliva niekamfortna. Mahčyma, u vysokich ešalonach sapraŭdy abmalavałasia niejkaja umoŭna (nu vielmi umoŭna! :) liberalnaja hrupoŭka?
«Kali na dalahladzie źjaŭlajucca surjoznyja ciažkaści, razbrod u vertykali ŭzmacniajecca, — zaznačaje Karbalevič. — Łukašenka jak čujny palityk heta razumieje».
Na dumku analityka, siońnia naŭrad ci vypadaje kazać pra niejkuju zmovu ŭ atačeńni, ale ŭ vypadku kryzy jana nia vyklučanaja: «U namenklaturnaj dziaržavie niebiaśpieka dla pieršaj asoby zychodzić najpierš z asiarodździa namenklatury, z mahutnych siłavych strukturaŭ. I tamu prezydent peryjadyčna ładzić svojeasablivuju prafilaktyku».
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary