Biełarus vyjhraŭ u anłajn-pokier rekordnyja paŭmiljona dalaraŭ
Žychar Biełarusi zaniaŭ 4-je miesca ŭ anłajn-turniry na najbujniejšym u śviecie pokier-rumie Pokerstars. Jaho pryz skłaŭ 527 tysiač dalaraŭ, paviedamiŭ adzin z hledačoŭ turniru.
U turniry SCOOP-45-N, jaki prachodziŭ 24—25 maja na anłajn pokier-rumie Pokerstars, hulali 694 udzielniki. Ahulny pryzavy fond skłaŭ 6,94 młn dalaraŭ. Pieramožca, hulec ź Vialikabrytanii, atrymaŭ 1,3 miljona. Druhoje miesca zaniaŭ ŭdzielnik ź Finlandyi, jamu dastałosia 950 tys. dalaraŭ. Na trecim miescy rasijanin z vyjhryšam 700 tysiač dalaraŭ. Hulec ź Biełarusi pad nikam I am Bobbie zaniaŭ 4-je miesca i vyjhraŭ 527 440 dalaraŭ.
Biełarus, jaki naziraŭ za turniram i hulaje ŭ anłajn-pokier 6-y hod udakładniŭ, što heta samy bujny razavy vyjhryš našaha suajčyńnika na Pokerstars za apošnija 5 hadoŭ.
Rekordnuju dla Biełarusi sumu ŭ žyvym turniry pa pokiery ŭ 2012 hodzie vyjhraŭ Mikałaj Pobal, na toj momant student BDEU. Jon pieramoh u hałoŭnym spabornictvie Jeŭrapiejskaha pokiernaha tura ŭ Barsiełonie i atrymaŭ ček na 1 młn 7000 jeŭra i darahi hadzińnik.
***
Vyjhryš u anłajn-pokier adnosicca da dachodaŭ, atrymanych u vyhladzie elektronnych hrošaj ad arhanizacyi, jakaja zajmajecca łatarejnaj dziejnaściu na terytoryi zamiežnaj dziaržavy. Takija dachody abkładajucca padachodnym padatkam. Uładalniku vyjhryšu nieabchodna padać dekłaracyju i zapłacić 13% ad sumy. Prykładać dakumienty, jakija paćviardžajuć pamier atrymanaha dachodu, nie abaviazkova.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie16
Kamientary