«Spraviadlivy śviet» prapanoŭvaje pierafarmatavać kaardynacyjnyja struktury apazicyi
Centralny kamitet Biełaruskaj partyi levych «Spraviadlivy śviet» ličyć, što «naśpieła nieabchodnaść radykalnaha pierafarmatavańnia isnujučych u apazicyi kaardynacyjnych struktur».
Ab hetym zajaviŭ staršynia arhanizacyi Siarhiej Kalakin, vystupajučy 23 maja ŭ Minsku na XVIII spravazdačna-vybarnym źjeździe partyi.Palityk adznačyŭ, što adnoj ź placovak, na jakoj rabilisia sproby skaardynavać dziejańni apazicyjnych arhanizacyj, była tak zvanaja siamiorka. Akramia partyi «Spraviadlivy śviet» u hetu strukturu ŭvachodziać Abjadnanaja hramadzianskaja partyja, Biełaruskaja sacyjał-demakratyčnaja partyja (Hramada), Partyja BNF, arhkamitet pa stvareńni partyi «Biełaruskaja chryścijanskaja demakratyja», ruch «Za Svabodu» i kampanija «Havary praŭdu».
Pavodle słoŭ Kalakina, na hetaj placoŭcy ŭ apošnija hady «nie było dasiahnuta surjoznych dasiahnieńniaŭ», u tym liku biezvynikova zakončylisia amal hadovyja kansultacyi pa adzinaj stratehii i taktycy dziejańniaŭ apazicyi padčas prezidenckich vybaraŭ 2015 hoda.
Kalakin kanstatavaŭ, što ahulny stan spraŭ u šyrokaj palityčnaj apazicyi siońnia horšy, čym čatyry hady tamu. «Biezumoŭna, tut adbivajecca sistemny cisk ułady i stvoranaj joju palityčnaj sistemy. Ale sprava nie tolki ŭ hetym. Paśla dramatyčnych padziej śniežnia 2010 hoda mocna źniziŭsia ŭzrovień davieru ŭnutry apazicyi. Faktyčna adsutničaje adzinaje bačańnie šlachoŭ ruchu da demakratyčnaj Biełarusi. U vyniku pačali razmyvacca bazavyja asnovy, jakija dajuć mahčymaść dla supracoŭnictva palityčnych sił, jakija majuć roznuju ideałahičnuju i śvietapohladnuju aryjentacyi», — skazaŭ jon.
Kalakin ličyć nieprymalnym stanovišča, kali ŭnutranaje i źniešniaje pradstaŭnictva ad imia apazicyi «faktyčna pryvatyzavana siamiu arhanizacyjami». «U składzie «siamiorki» kolkasna daminujuć pravyja arhanizacyi, što nie adlustroŭvaje realnaha raskładu siłu na apazicyjnym palityčnym poli», — padkreśliŭ jon.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary