U Kamianieckim rajonie troje ŭ maskach uvarvalisia praź niezačynienyja dźviery ŭ dom i skrali 7 tys. dalaraŭ
Pozna uviečary 28 krasavika troje mužčyn u maskach praź niezačynienyja dźviery ŭvarvalisia ŭ pryvatny dom u vioscy Hrudaviki (Kamianiecki rajon), źbili haspadyniu mietaličnym prutom, vykrali 7 tys. dalaraŭ i źjechali na aŭtamabili.
Paciarpiełaja nieadkładna źviarnułasia ŭ milicyju. Pravaachoŭniki ŭviali płan «Pierachop». «U chodzie jaho realizacyi ŭstanoŭlena, što razboj ździejśnili niepracujučy, raniej sudzimy za rabavańnie žychar Žabinki 1978 naradžeńnia i niepracujučyja žychary Bresta 1975 i 1962 hadoŭ naradžeńnia», — paviedamili va UUS Bresckaha abłvykankama.
Padazravanych zatrymali. Vykradzienaje kanfiskavali.
Uzbudžana kryminalnaja sprava pa č. 2 art. 207 KK RB (razboj, ździejśnieny z praniknieńniem u žyllo, albo paŭtorna, abo hrupaj asob, abo z metaj zavałodańnia majomaściu ŭ bujnym pamiery). Za takoje złačynstva praduhledžana pazbaŭleńnie voli na termin ad 6 da 15 hadoŭ z kanfiskacyjaj majomaści.
Kamientary