Siejm Polščy padtrymaŭ prajekt pastanovy, jakaja praduhledžvaje ŭstanaŭleńnie Nacyjanalnaha dnia pieramohi 8 maja zamiest śviata Pieramohi i svabody 9 maja.
Za hetuju inicyjatyvu prahałasavali ŭ piatnicu 396 deputataŭ Siejma, suprać byli 5, ustrymalisia 14.
Na dumku aŭtaraŭ pastanovy, «pryčyn, kab prymać u Polščy tłumačeńnie zaviaršeńnia vajny, što dziejničała ŭ SSSR, niama. Treba pamiatać, što zaviaršeńnie Druhoj suśvietnaj vajny ŭ Jeŭropie ŭ vypadku ź dziaržavami, zaniatymi Čyrvonaj Armijaj, u jakich byli ŭviedzienyja niavybarnyja ŭrady i niedemakratyčnaja palityčnaja sistema, ciažka ličyć tryumfam svabody».
U Polščy Dzień Pieramohi niekalki dziesiacihodździaŭ adznačaŭsia 9 maja. Z 1989 śviata było pieraniesienaje na 8 maja, jak va ŭsioj Jeŭropie, ale zakanadaŭča heta nie było zamacavana. Kali Sienat i prezident padtrymajuć rašeńnie Siejma, Polšča ŭžo ŭ hetym hodzie moža aficyjna adznačać zaviaršeńnie Druhoj suśvietnaj vajny 8 maja.
Aficyjny pradstaŭnik MZS RF u Polščy Alaksandr Łukaševič zajaviŭ, što namier Polščy «varty žalu». «Heta sproba hruba pierahledzieć histaryčnyja dasiahnieńni našych narodaŭ u Vialikaj Ajčynnaj vajnie. Brakuje čałaviečych słoŭ, nakolki histaryčnaja pamiać karotkaja u niekatorych narodaŭ», — skazaŭ jon.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary