Piensijanieram i invalidam dazvolili biaspłatna handlavać na ždanovickim «poli cudaŭ»
Piensijanieram, invalidam I hrupy i invalidam-kalasačnikam, a taksama vieteranam Vialikaj Ajčynnaj vajny pry najaŭnaści adpaviednych dakumientaŭ dajuć biaspłatnyja miescy dla handlu na rynku ŭžyvanych rečaŭ u Ždanovičach, bolš viadomym minčanam jak «pole cudaŭ».
Adpaviednaje pahadnieńnie padpisanaje pamiž Minharvykankamam i handlovym domam «Ždanovičy».
Jak paviedamili ŭ pres-słužbie Minharvykankama, prava dadziena dla realizacyi ŭžyvanych tavaraŭ, ale nie bolš jak 10 najmieńniaŭ asartymientnaha pieraliku.
Pahadnieńnie budzie dziejničać da 31 śniežnia 2015 hoda.
Nahadajem, «pole cudaŭ» u Ždanovičach adnaviła pracu paśla rekanstrukcyi 10 studzienia 2014 hoda. Pieršapačatkova administracyja TAA «Handlovy dom «Ždanovičy» płanavała naohuł zakryć siektar užyvanych tavaraŭ. Adnak Minharvykankam nie padtrymaŭ takoje rašeńnie administracyi «Ždanovičaŭ». Kiraŭnictvu rynka było daručana pravieści rekanstrukcyju placoŭki, na jakoj idzie handal užyvanymi tavarami.
Rynak «Ždanovičy» źjaŭlajecca adnym z najbujniejšych handlovych kompleksaŭ u Biełarusi. Jon raźmieščany na paŭnočnym zachadzie Minska.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary