Novyja amierykanskija načnyja pryceły dazvalajuć bačyć dychańnie
Žaŭniery padčas načnych vučeńniaŭ razyšlisia ŭ roznyja baki, zajšli ŭ fłanh «praciŭniku», jaki ich nie bačyŭ, i chutka źniščyli jaho. Boj nie byŭ sumlennym.
Dyj jon i nie musiŭ być sumlennym, piša armytimes.com pra apošnija vyprabavańni novaha ryštunku ŭ centry padrychtoŭki amierykanskich suchaputnych sił u Fort-Beninh.
Vajaki z abodvuch bakoŭ mieli pryłady načnoha bačańnia. Adnak «dobryja chłopcy» mieli bolš prasunutuju viersiju, jakaja vykarystoŭvała nie tolki standartnyja sposaby pavieličeńnia śpiektra i intensiŭnaści, ale dadavała da tradycyjnaha zialonaha pola ŭ pryładzie termalny malunak.
Jarka-žoŭtym koleram na zialonym fonie zdalok było dobra bačna dychańnie kožnaha «voraha».
Płanujecca, što ŭ budučym hetaja technałohija budzie standartnaj častkaj ryštunku kožnaha žaŭniera.
U miežach prahramy pa vyprabavańni novych technałohij žaŭniery padčas inšych taktyčnych hulniaŭ vykarystoŭvajuć i aceńvajuć, naprykład, novyja sposaby kamuflažu, vyviednyja bieśpiłotniki pamieram ź plitku šakaładu, srodki suviazi ci hranatamioty.
Kamientary