Prahrama «Viesti» śćviardžaje, što pratestanty — ukrainskija špijony.
Rasijskaje dziaržaŭnaje TB raspačało kampaniju dyskredytacyi «pratestanckich siektaŭ». U vypusku prahramy «Viesti» za 28 sakavika zhadvalisia «złačynnyja» pratestanckija cerkvy «Novaje žyćcio» i «Dom chleba» i chryścijanie viery jevanhielskaj.
«Zambavańnie pad sponsarstvam amierykancaŭ» — tolki častka repartažu. Asabliva aŭtaraŭ repartaža turbavali «pastyry z Ukrainy sa ščyrymi antyrasijskimi pohladami». Niekatoryja niby navat cikavilisia vajskovaj padrychtoŭkaj prychadžan.
«Ekśpierty ŭpeŭnienyja: rost kolkaści takich čužych nam relihijnych struktur moža abiarnucca da krainy surjoznymi prablemami», — kaža dyktar.
Palitołah Siarhiej Domračaŭ upeŭnieny: «Za hetymi arhanizacyjami, jak za šyrmami, stajać zusim inšyja intaresy. Intaresy, nakiravanyja na razvał našaj dziaržavy, na stvareńnie najpierš relihijnych kanfliktaŭ, etničnych kanfliktaŭ, nacyjanalnych kanfliktaŭ».
Repartaž padrychtavany na materyjale z Čelabinskaj vobłaści. Kiraŭnik misijanierskaha adździeła Čelabinskaj jeparchii RPC Kanstancin Putnik, u svaju čarhu, śćviardžaje, što «mnohija destruktyŭnyja kulty jość nie prosta relihijnymi arhanizacyjami, ale i vykonvajuć davoli peŭnyja vyviednyja funkcyi».
U Biełarusi Sajuz chryścijan viery jevanhielskaj i carkva «Novaje žyćcio» dziejničajuć lehalna i addaŭna. Na Paleśsi piacidziasiatniki i baptysty papularnyja ad 1930-ch hadoŭ. Jany vytrymali saviecki pieraśled i ciapier jość zamožnyja sioły, jak Alšany, dzie jany składajuć bolšaść nasielnictva.
U Rasii kolkasnaja dola pratestantaŭ mienšaja, čym u Biełarusi, ale ličba ich taksama vyrasła za apošnija dziesiacihodździ. Chryścijanie viery jevanhielskaj pryncypova nie pjuć i žyvuć družnymi hramadami, u jakich raźvitaja ŭzajemadapamoha.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary