Mara Kasandry (Cassandra's Dream)
Vialikabrytanija – ZŠA, 2007, kalarovy, 108 chv.
Režyser: Vudzi Ałen
Roli vykonvajuć: Evan MakHrehar, Kolin Fareł, Tom Ŭiłkinsan, Seli Hoŭkinz, Ešli Madekŭje, Hejli Atŭeł, Kłer Chihinz, Džon Benfiłd
Žanr: Drama
Adznaka: 7 (z 10)
U dvuch bratoŭ – kartačnaha hulca i biznesmena-pačatkoŭnika – surjoznyja finansavyja prablemy. Pa dapamohu hieroi źviartajucca da svajho dziadzi. Dziadzia zhodny dapamahčy svajakam, ale za heta patrabuje zabić čałavieka, jaki jamu zaminaje…
U svajoj novaj londanskaj stužcy amerykanski kamedyjohraf Vudzi Ałen praciahvaje trahiedyjnuju prablematyku, raspačatuju “Matč Pojntam”. Hieroi padšturchoŭvajucca da zabojstva, pakutujuć (ci nie pakutujuć) ad sumleńnia, karajucca (ci nie karajucca) losam.
“Mara Kasandry” – heta Dastajeŭski, pastaŭleny ŭ formie kamernaj londanskaj dramy. Abmiežavanaja kolkaść hierojaŭ, nasyčanyja dyjalohi, psychalahičnaja hłybinia. Azartny Kolin Fareł – Hulec, Raskolnikaŭ i Idyjot u adnoj asobie; strymana-dziełavity brat Evan MakHrekar, ehaistyčny dziadzia Tom Ŭiłkinsan z karonnaj frazaj “u vas niama vybaru”.
Vybar zaŭždy jość.
70-hadovy Ałen u trahiedyjna-lohkaj dramie, zdolnaj praniać sučasnuju publiku, zadajecca fundamentalnymi pytańniami: “Ci jość Boh, kali čałaviek ździajśniaje złačynstvy? Dzie – Božaje pakarańnie i Božaja miłasernaść?”
“My parušyli Zapaviedzi! Tak nielha było pastupać!” – kryčyć hieroj Kolina Fareła.
Finał stužki šakuje svajoj antyčnaj niaŭmolnaściu. Ale na praciahu karciny hučali śviedčańni, jakija sytyja spažyvieckija neapahancy imknucca nie zaŭvažać.
Kamientary