Niaŭdałaja sproba spynić reviers hazu va Ukrainu kaštavała «Hazpromu» da 6 młrd dalaraŭ, pišuć rasijskija ŚMI. Kala $5,5 młrd skłała niedaatrymanaja vyručka pry pastaŭkach hazu ŭ krainy Jeŭrasajuza i da $400 młn — štrafy za niedapastaŭki naminavanych klijentami abjomaŭ hazu.
Jak tolki jeŭrapiejcy zrazumieli, što rasijskaja manapolija nie vykonvaje zajavak, jany stali maksimalna zavyšać zajaŭki, kab atrymać bolšy štraf.
U vyniku «Hazprom» straciŭ našmat bolš, čym sprabavaŭ spahnać z «Naftahaza Ukrainy» ŭ Stakholmskim arbitražy.
«Hazprom» abmiežavaŭ pastaŭki hazu ŭ Jeŭropu 4 vieraśnia 2014, jak tolki stała jasna, što ŭkraincy i jeŭrapiejcy zdoleli zapuścić vialiki reviers sa Słavakii. Hazapravod Vajany-Užharad zdolny davać Ukrainie da 10 młrd kuboŭ za hod.
Pastaŭki hazu va Ukrainu byli spynienyja z červienia. U žniŭni rasijskija siły intensifikavali vajennyja dziejańni ŭ Danbasie. A ŭ vieraśni haz abmiežavali i jeŭrapiejcam. Stała vidavočna, što Rasija sprabuje ŭdušyć Ukrainu jašče i choładam.
Tolki 5 sakavika 2015 hoda «Hazprom» iznoŭ pačaŭ 100-pracentova vykonvać jeŭrapiejskija zajaŭki.
Boh dapamoh ciopłaj zimoj, a arabskija krainy — dadatkovymi pastaŭkami zvadkavanaha hazu, i jeŭrapiejski — a razam ź im i ŭkrainski — hazavy rynak ustojliva vytrymaŭ šantaž Rasii. Jak paviedamlajuć rasijskija ŚMI, na minimumie ŭ sakaviku jeŭrapiejskija padziemnyja hazaschoviščy buduć źmiaščać kala 20 młrd kubamietraŭ aktyŭnaha hazu, abo čverć ad ich maksimalnaj jomistaści.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary