Няўдалая спроба спыніць рэверс газу ва Украіну каштавала «Газпрому» да 6 млрд даляраў, пішуць расійскія СМІ. Каля $5,5 млрд склала недаатрыманая выручка пры пастаўках газу ў краіны Еўрасаюза і да $400 млн — штрафы за недапастаўкі намінаваных кліентамі аб'ёмаў газу.
Як толькі еўрапейцы зразумелі, што расійская манаполія не выконвае заявак, яны сталі максімальна завышаць заяўкі, каб атрымаць большы штраф.
У выніку «Газпром» страціў нашмат больш, чым спрабаваў спагнаць з «Нафтагаза Украіны» ў Стакгольмскім арбітражы.
«Газпром» абмежаваў пастаўкі газу ў Еўропу 4 верасня 2014, як толькі стала ясна, што ўкраінцы і еўрапейцы здолелі запусціць вялікі рэверс са Славакіі. Газаправод Ваяны-Ужгарад здольны даваць Украіне да 10 млрд кубоў за год.
Пастаўкі газу ва Украіну былі спыненыя з чэрвеня. У жніўні расійскія сілы інтэнсіфікавалі ваенныя дзеянні ў Данбасе. А ў верасні газ абмежавалі і еўрапейцам. Стала відавочна, што Расія спрабуе ўдушыць Украіну яшчэ і холадам.
Толькі 5 сакавіка 2015 года «Газпром» ізноў пачаў 100-працэнтова выконваць еўрапейскія заяўкі.
Бог дапамог цёплай зімой, а арабскія краіны — дадатковымі пастаўкамі звадкаванага газу, і еўрапейскі — а разам з ім і ўкраінскі — газавы рынак устойліва вытрымаў шантаж Расіі. Як паведамляюць расійскія СМІ, на мінімуме ў сакавіку еўрапейскія падземныя газасховішчы будуць змяшчаць каля 20 млрд кубаметраў актыўнага газу, або чвэрць ад іх максімальнай ёмістасці.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары