Šeść faktaŭ z žyćcia Hienadzia Aŭsiańnikava
Da 80-hodździa svajho najstarejšaha akciora Nacyjanalny akademičny teatr imia Janki Kupały pravodzić Jubilejnyj tydzień, na praciahu jakoha narodny artyst Aŭsiańnikaŭ zaniaty va ŭsich siami śpiektaklach. I heta ŭ vosiemdziesiat hadoŭ! Nu, a my vyrašyli ŭspomnić niekalki faktaŭ z žyćcia lubimaha akciora, łaŭreata Dziaržaŭnaj premii, uznaharodžanaha mnohimi ordenami i miedalami, siarod jakich i orden Francyska Skaryny, i pryz «Chrustalnaja Paŭlinka», i premija prezidenta «Za duchoŭnaje adradžeńnie». Jaho jarki talent vychavaŭ nie adno pakaleńnie biełarusaŭ.
1.
Adnojčy ŭ Maskvie akciora na niekalki hadzin pasialili ŭ haścinicy «Nacyjanal» — 500 dalaraŭ u sutki za numar. Akcior pakutavaŭ: takaja biezhaspadarčaść! Maŭlaŭ, moh by da viačerniaha ciahnika i z čamadančykam u rukach pachadzić, a zekanomlenyja hrošy na dobruju spravu puścić.
2.
Dyscyplinavany nastolki, što vychodzić da hledačoŭ navat tady, kali zuby balać. I – scena lečyć zubny bol.
3.
Paśla śpiektakla «Viečar», u jakim artyst vykonvaje rolu Vasila, Hienadziu Ściapanaviču zvyčajna telefanujuć i pišuć hledačy: «Dziakuj! My ŭ toj ža viečar baćkam pabiehli telefanavać».
4.
Lubimy afaryzm akciora Aŭsiańnikava, jakim jon kirujecca ŭ tvorčaści: «Zaŭsiody treba pakidać zazor dla sumnievu».
5.
Samy znakamity piersanaž Hienadzia Aŭsiańnikava – Ciareška Kałabok u «Trybunale» Andreja Makajonka. Jon jaho ihraŭ 20 hadoŭ i vyjšaŭ u hetaj roli na scenu 650 razoŭ, vypiŭ 1650 hranionych šklanak harełki (vady), źmianiŭ dźvie žonki i šeść synoŭ. A ŭ cełym za hady słužby ŭ Kupałaŭskim teatry syhraŭ 80 rolaŭ biełaruskaha i zamiežnaha repiertuaru.
6.
Na radyjo hraŭ… kroki Lenina. U akciora Małčanava, jaki ahučvaŭ pravadyra, abutak byŭ na miakkaj padešvie, a pa tekście značyłasia: «Lenin imkliva padychodzić da trybuny». Kroki adlustroŭvaŭ Aŭsiańnikaŭ. A Pavieł Ściapanavič Małčanaŭ śledam pramaŭlaŭ tekst.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary