Tusk: Rasija i Kitaj buduć hatovyja da hłabalnaj kanfrantacyi ŭžo ŭ 2027 hodzie
Polšča i Jeŭropa pavinny być hatovyja da roznych padziej na praciahu dvuch hadoŭ, zajaviŭ premjer-ministr Polščy Donald Tusk 26 lipienia na sustrečy z žycharami horada Pabjanice Łodzinskaha vajavodstva, piša Biełaruskaja redakcyja Polskaha radyjo.
Kiraŭnik polskaha ŭrada zakranuŭ temu nacyjanalnaj biaśpieki pierad abliččam pahroz, jakija mohuć uźniknuć u najbližejšyja hady.
Jak zajaviŭ palityk, kožny dzień, a
«apošnim časam kožnuju hadzinu, prynosić niejki siurpryz, niejkuju padzieju ci dziŭnyja słovy, nie kažučy ŭžo pra dziŭnyja sustrečy ci vizity ŭ roznyja miescy».
Jon dadaŭ, što razmaŭlaŭ z kiraŭnikom jeŭrapiejskich uzbrojenych sił NATA hienierałam Aleksusam Hrynkievičam «niekalki dziasiatkaŭ hadzin tamu».
«Ja čakaŭ dakładnaj infarmacyi, i ja jaje atrymaŭ: što, pavodle ŭsich acenak u NATA i ZŠA, Rasija i Kitaj buduć hatovyja da hłabalnaj kanfrantacyi ŭžo ŭ 2027 hodzie, praz dva hady», — skazaŭ premjer-ministr.
Jon padkreśliŭ, što
«Polšča i Jeŭropa, ale Polšča ŭ pieršuju čarhu, pavinny być hatovyja da roznych padziej na praciahu nastupnych dvuch hadoŭ».
Jon adznačyŭ, što na polskaj miažy ŭžo isnujuć pahrozy, źviazanyja z hibrydnaj vajnoj.
«Ja daju tut uračystaje abiacańnie vam i ŭsioj Polščy. Na praciahu hetych dvuch hadoŭ, jakija nas čakajuć […], my budziem vykarystoŭvać ich u poŭnaj miery, kab stabilizavać situacyju ŭ Polščy», — zajaviŭ premjer-ministr.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra20
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»99
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»9
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
Kitaj pojdzie ú nastup na tych , chto kuplaje jaho tovary .
Tak što treba zaminavać úsie darohi , navat sielskija .