Druhi prezident Ukrainy Leanid Kučma ličyć minskija damoŭlenaści praryvam, adnak adznačaje, što napieradzie vielmi šmat pracy pa ich realizacyi.
«Heta, biezumoŭna, praryŭ. Lubaja vajna pavinna zakančvacca miram. Čym paźniej heta adbudziecca, tym bolš prablem nazapasicca», — skazaŭ jon pa zaviaršeńni pracy kantaktnaj hrupy.
Pry hetym Kučma pryznaŭ, što «napieradzie šmat pracy», u tym liku pa kantroli za vykanańniem pahadnieńniaŭ. Pavodle jaho słoŭ, kantrol za spynieńniem bajavych dziejańniaŭ, advodam uzbrajeńniaŭ budzie zajmacca ABSIE, bo, skazaŭ jon, «inšych miechanizmaŭ pakul nie isnuje».
Kučma asabliva adznačyŭ damoŭlenaść ab spynieńni ahniu, advodzie ciažkich ŭzbrajeńniaŭ i vyvadzie zamiežnych vojskaŭ i zbroi z terytoryi Ukrainy. «Heta śviedčyć ab tym, što zdarovy sens pačaŭ pieramahać», - adznačyŭ jon.
Druhi prezident Ukrainy taksama paćvierdziŭ infarmacyju ab tym, što lidary sieparatystaŭ admaŭlalisia niejki čas padpisvać «Kompleks mier pa vykanańni minskich pahadnieńniaŭ».
«Ale ŭ rešcie rešt ich pierakanali zrabić heta», - padkreśliŭ Kučma.
Kamientary