Zorka sieryjała «Interny» pryznaŭsia ŭ nietradycyjnaj aryjentacyi
Zorka sieryjała «Interny», amierykanski akcior Odzin Bajran, u intervju žurnalistu New York Magazine pryznaŭsia ŭ svajoj homaseksualnaści, paviedamlajecca na sajcie vydańnia Vulture.
Bajran skazaŭ, što nikoli nie chłusiŭ ab svajoj seksualnaj aryjentacyi. Pra jaho nietradycyjnyja schilnaści ŭžo daŭno viedajuć baćki, blizkija siabry i para kalehaŭ pa rasiejskim telebačańni.
Pa słovach Bajrana, jaho kaleha, akcior Achłabyścin, akazaŭsia «sapraŭdnym hamafobam». Z-za jaho amierykaniec ledź nie pierastaŭ zdymacca ŭ sieryjale. Asabliva pakryŭdziła Bajrana vykazvańnie kalehi pra «spalvańni hiejaŭ u piečach».
«U hety momant, — kaža Bajran, — ja chacieŭ zajavić, što nie mahu bolš pracavać z hetym čałaviekam, kali jon budzie praciahvać zdymacca ŭ sieryjale. Adnak potym pieradumaŭ».
Žurnalistu Bajran pryznaŭsia, što nie viedaje, jak na jaho zajavu adreahujuć prychilniki ŭ Rasii, ale adčuvaje, što, adkryta zajaŭlajučy ab svajoj homaseksualnaści, pastupaje pravilna.
Adrazu ž paśla aficyjnaj zajavy amierykanskaha akciora ŭ Twitter Ivana Achłabyścina źjaviłasia nastupny zapis: «Bykaŭ nikoli nie daviedajecca, što Fił vyčvareniec. A Achłabyścin, kali daviedaŭsia, što jaho siabar Odzin sadamit, biŭsia hałavoj ab ścianu i klaŭ los».
U kamientarach da svaich słoŭ Achłabyścin adznačyŭ, što raniej navat nie zdahadvaŭsia pra schilnaści svajho siabra. «Tak — niezrazumieła. Ja ŭ dušu ludziam nie lezu, dy padstavy nie było», - paviedamiŭ jon u sacyjalnaj sietcy.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie31
Kamientary