Fanaty «Dynama» vystupili suprać markietołaha-hieja. Kłub admoviŭsia ŭziać jaho na pracu
Učora na spartyŭnych sajtach prajšła navina, što adździeł markietynhu minskaha «Dynama» ŭznačaliŭ radyjoviadučy i šoŭmen Valancin Sierada. Navina jak navina, ničoha asabliva ŭ joj nie čytałasia. Minskaje «Dynama» zaŭsiody słaviłasia svaimi nieardynarnymi kadravymi rašeńniami.
Adnak uviečary fanaty minskaha «Dynama» vystupili ź niečakanaj zajavaj. Kali koratka pierakazać źmiest, to zaŭziatary vystupali suprać taho, kab u ich kłubie pracavaŭ homaseksualist.
«Tak vychavaŭ nas futboł, kalafutboł, nieźličonyja kiłamietry daroh za kłub, braterstva i uzajemadapamoha, našy idei i pryjarytety, pohlad na śviet i jaho ŭładkavańnie — MY nie prymajem luboha hatunku i pad lubym «sousam» pid..ŭ!!! Mahčyma, hetaje słova kamuści reža vucha i nie dapuščalna ŭ aficyjnych zajavach! Adnak my pryvykli nazyvać usio svaimi imionami!
My spadziajemsia na razvažnych kiraŭnikoŭ FK «Dynama»! Kiraŭnikoŭ nie zdolnych iści na kampramisy sa svaim sumleńniem! Kiraŭnikoŭ z tradycyjnymi žyćciovymi pazicyjami! Raźličvajem na Vašu adzina viernuju reakcyju absurd! My suprać taho, kab u našym kłubie pracavaŭ pid…r! Pazicyjanavańnie svaich intaresaŭ i pieravah, chaj pakinie dla takich ža jak i jon sam. My patrabujem nieadkładnaha adchileńnia V.Sierady».
Jak akazałasia paźniej, abureńnie fanataŭ vyklikali staronki ŭ sacyjalnych sietkach Valancina Sierady. U ich žurnalist adkryta pryznavaŭsia ŭ svajoj seksualnaj aryjentacyi. Siarod usiaho inšaha jon pisaŭ, što choča pajści «na spatkańnie z mužčynam 18-28 hadoŭ».
Padniałasia pieršaja chvala abureńnia na forumie fanataŭ «Dynama» – «Dziaviatcy».
Praź niejki čas tam adpisaŭsia čałaviek pad nikam «Valancin Sierada»: «Ja pryjšoŭ u «Dynama» nie asabistaje žyćcio ŭładkoŭvać (paviercie, z hetym i tak usio the best), a pracavać. Staronki svaje ŭžo vydalaju. Nikoha nie ahituju. Ale pry hetym chaču zaŭvažyć, što padobnaja nieciarpimaść dla mianie vyhladaje žachliva. Va ŭsim cyvilizavanym śviecie da padobnych rečaŭ staviacca narmalna. Nie budźcie dzikunami. Darečy, liniejka pradukcyi, jakaja pryśviečanaja talerantaścii ŭ dačynieńni da samych roznych ludziej, ź simvolikaj «Dynama» taksama budzie».
Kiraŭnictva minskaha «Dynama» adreahavała na heta vielmi chutka. Užo ranicaj 21 studzienia była zroblenaja zajava, što kłub spyniaje pieramovy ab pryniaćci Valancina Sierady na pracu. Pryčyna – «svaimi nieprafiesijnymi dziejańniami nanios istotnuju škodu imidžu i reputacyi kłuba».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary