Syn Ihara Siečyna Ivan, jaki z sakavika 2014 h. pracuje ŭ «Rośniefti», uznaharodžany za «šmathadovuju sumlennuju pracu» i «za vialiki ŭkład u raźvićcio paliŭna-enierhietyčnaha kompleksu». Ukaz ab uznaharodžańni Siečyna-małodšaha miedalom ordena «Za zasłuhi pierad Ajčynaj» II stupieni padpisaŭ prezident RF Uładzimir Pucin.
Ivan Siečyn pracuje ŭ «Rośniefti» pieršym namieśnikam dyrektara departamienta sumiesnych prajektaŭ na šelfie. Pavodle źviestak «Kommiersanta», u naftavuju kampaniju Siečyn-małodšy pierajšoŭ z Hazprombanka, dzie pracavaŭ analitykam.
Jak pisaŭ «Kommiersant», u «Rośniefti» Siečyn moža atrymlivać 300-600 tys. rasijskich rubloŭ u miesiac (na siońnia 4,6 tys. — 9,2 tys. dalaraŭ) plus hadavy bonus da 100 pracentaŭ ad zarobku.
Ivan Siečyn naradziŭsia ŭ 1989 hodzie. Jon skončyŭ ekanamičny fakultet MDU. Akramia taho, syn Siečyna vučyŭsia ŭ Maskoŭskaj škole ekanomiki MDU.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary