U prodažy źjaviłasia sieryja patryjatyčnaj bializny «Rodnaje cieła» FOTA
Kampanija Uzory pradstaviła liniju bializny dla ŭsioj siamji ź biełaruskim arnamientam.
«Najlepšaja bializna — heta taja, jakaja dla nas takaja ž rodnaja, jak i našaje ŭłasnaje cieła. Tamu my prychodzim da vysnovy, što bializna ŭ peŭnym sensie jość našaj druhoj skuraj. Jana musić być hustoŭna azdoblenaja i maksimalna kamfortnaja», — pišuć stvaralniki linii «Rodnaje cieła».
Linija «Rodnaje cieła» raspracavanaja dla ŭsioj siamji. Jana ŭklučaje žanočyja i mužčynskija majtki, staniki spartovaha typu, pižamy dla darosłych i dzietak i paścielnuju bializnu. Vyraby azdoblenyja minimalistyčnymi pryntami tradycyjnych biełaruskich simvałaŭ, u jakich zakadavanyja paniatki žančyny, mužčyny, pładavitaści i siamji.
Pieršaj pracaj stała liniejka žanočych i mužčynskich majtkoŭ.
Forma bializny zroblenaja biełaruskimi pramysłovymi dyzajnierami. Materyjał — 95% bavoŭna, 5% ełastan. Prynty nadrukavanyja vodnaj hipaalerhiennaj farbaj albo falhoj.
Kupić majtki možna ŭ ofisie UZORY (Minsk, uł. Fabryčnaja, 22, ofis 48), papiarednie patelefanavaŭšy: +375 29 784 63 13; +375 29 666 76 47, albo dasłaŭšy list na [email protected].
Pamiery majtkoŭ:
Žanočyja: 40—52
Mužčynskija: 44—50
Ceny:
Žanočyja — 100 000 rubloŭ
Mužčynskija — 130 000 rubloŭ
Simvały byli ŭziatyja z vynikaŭ daśledčyckaj pracy, inicyjavanaj vakalistkaj hurta Shuma Rusiaj, finałam jakoj stała tablica archaičnych biełaruskich simvałaŭ sa sproščanymi i dastupnymi dla šyrokich kołaŭ biełaruskaha hramadstva tłumačeńniami.
Bializna zapakavanaja ŭ čachoł z pryntami, jaki možna vykarystoŭvać jak kaśmietyčku, ci maleńkuju torbačku. Unutry pakunka taksama možna znajści zakładku dla knižak z tym ža simvałam, što na bialiźnie, i tłumačeńniem jaho sensu.
«Na našuju dumku, takaja bializna musić być prostaj, naturalnaj, kamfortnaj, pryjemnaj dla cieła i dušy. Jana pasuje i darosłym i dzietkam, bo našaja meta pieradusim – adzieć siamju, paznačyć siamiejnaje žyćcio niečym supolnym, peŭnaj simvaličnaj prastoraj, u jakoj blizkija ludzi kamfortna isnujuć i adčuvajuć siabie rodnymi. Jany majuć ahulny na ŭsich, ale niabačny nikomu sakret», — śćviardžajuć stvaralniki bializny.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary