Z pačatku hoda ŭ Finlandyi ŭstupiŭ u siłu zakon ab abaviazkovaj daškolnaj adukacyi. Heta aznačaje, što raniejšyja fakultatyŭnyja padrychtoŭčyja zaniatki dla budučych pieršakłaśnikaŭ ciapier stali abaviazkovymi.
Bolšaść finskich dziaciej i zaraz chodziać na padrychtoŭčyja zaniatki. Tolki dva pracenty — heta značyć kala 1500 dziaciej — nie vučacca ŭ tak zvanym nulavym kłasie.
Hałoŭnaje ŭpraŭleńnie adukacyi Finlandyi tłumačyć novaŭviadzieńnie imknieńniem da pradastaŭleńnia roŭnych pačatkovych umoŭ i mahčymaściaŭ dla kožnaha dziciaci ŭ roznych kutkach krainy.
U Finlandyi padrychtoŭka da škoły čaściej za ŭsio prachodzić u dziciačych sadkach. Uvosień municypalitetam daviadziecca pavialičyć kolkaść hrup daškolnaj adukacyi, kab miescaŭ chapiła ŭsim dzieciam.
Daškolnuju adukacyju hetak ža, jak i siaredniuju možna pa-raniejšamu atrymlivać doma, pry vykanańni peŭnych kryteryjaŭ i praviłaŭ, ustanoŭlenych upraŭleńniem adukacyi.
Kamientary