Pryvatnyja aŭtapieravozčyki arhanizavali biznes pa pierasiačeńni miažy z Krymam, paśla taho jak ruch pasažyrskich ciahnikoŭ z boku Ukrainy byŭ spynieny, paviedamlaje «Ukrainskaja praŭda».
Sa spasyłkaj na «Centr žurnalisckich rasśledavańniaŭ» paviedamlajecca, što košt pierasiačeńnia miažy z Krymam vahajecca ad 200 da 1000 hryŭniaŭ (ad $10 da $50). Da Čanhara možna dabracca za 100 hryŭniaŭ.
«Da Novoaleksiejeŭki dajechali na ciahniku, potym — chto jak. Za kim pryjazdžajuć prosta pad ciahnik, inšym prapanujuć padvieźci da Čanhara abo da miesca pryznačeńnia. Takaja pajezdka, kažuć, kaštuje kala tysiačy hryŭniaŭ. Heta daražej za kupejny bilet na ciahniku ŭ Kijeŭ i nazad «, — paviedamiła vydańniu krynica.
Jak viadoma, 26 śniežnia «Ukrzaliznycia» spyniła ruch pajazdoŭ u Krym, a taksama admianiła mižnarodnyja ciahniki, jakija kursujuć na paŭvostraŭ, u tym liku ź Biełarusi. U toj ža dzień byŭ spynieny prodaž kvitkoŭ na aŭtamabilnych i aŭtobusnych stancyjach.
Ciahnik № 100/99 Minsk—Simfieropal, pavodle infarmacyi telekanału ANT, z 29 śniežnia budzie chadzić da stancyi Zaparožža.
Damoŭlenaści ab hetym dasiahnuli biełaruskija i ŭkrainskija čyhunačniki.
Kamientary