Nacyjanalny saviet pa pytańniach telebačańnia i radyjoviaščańnia Ukrainy pryznaŭ, što biełaruski telekanał «Biełaruś 24» adpaviadaje patrabavańniam Jeŭrapiejskaj kanviencyi ab transhraničnym telebačańni i ŭkrainskaha zakanadaŭstva i dazvoliŭ adnavić jaho tranślacyju na terytoryi krainy.
Takoje rašeńnie pryniata na pasiadžeńni savieta 18 śniežnia, paviedamlaje Interfaks-Ukraina.
Pavodle słoŭ kiraŭnika viedamstva Juryja Arciemienki, telekanał u liście rehulataru rastłumačyŭ, što prahrama, u jakoj raniej byli zafiksavanyja parušeńni, była źniataja z efiru, što paśla paćvierdziŭ i manitorynh Nacsavieta.
Nahadajem, 15 kastryčnika Nacyjanalny saviet pa pytańniach telebačańnia i radyjoviaščańnia Ukrainy zajaviŭ pra mahčymuju zabaronu tranślacyi telekanałaŭ «Biełaruś 24» i «365 dzion» (Rasija) u suviazi z tym, što ich źmiest nie adpaviadaje patrabavańniam Jeŭrapiejskaj kanviencyi ab transhraničnym telebačańni i adpaviednamu zakanadaŭstvu Ukrainy. U Nacsavietie zajavili, što 1 kastryčnika byŭ praviedzieny vybaračny manitorynh kantentu kanała «Biełaruś 24», vyniki jakoha «śviedčać pra najaŭnaść u pieradačy «Pravy čałavieka. Pohlad u śviet» antyŭkrainskaj prapahandy i skažeńnia infarmacyi pra palityčnyja padziei va Ukrainie».
U svaju čarhu Biełteleradyjokampanija zajaviła, što ŭ jaje «vyklikaje škadavańnie toj fakt, što, prymajučy rašeńnie pra zabaronu retranślacyi «Biełaruś 24», ukrainskija čynoŭniki ad žurnalistyki nie ŭbačyli roźnicy pamiž aŭtarskim pohladam kankretnaha žurnalista i palitykaj telekanała ŭ cełym». Pavodle mierkavańnia kampanii, toj fakt, što padstavaj dla zabarony staŭ siužet u aŭtarskaj prahramie, jakaja vychodzić u efir adzin raz u tydzień, «zusim nie viažacca z paniaćciem «svaboda słova». U toj ža čas jany vykazali nadzieju, što «pytańnie ab retranślacyi «Biełaruś 24» budzie vyrašana abjektyŭna i z ulikam palityki kanała ŭ cełym».
Paźniej stała viadoma, što prahrama Jaŭhiena Novikava «Pravy čałavieka. Pohlad u śviet» źniataja z efiru, a viadučamu prapanavana raspracavać novy teleprajekt.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary