Prajekt antynarkatyčnaha dekreta: za zbyt narkotykaŭ — da 25 hadoŭ turmy
Prajekt antynarkatyčnaha dekreta praduhledžvaje pakarańnie za zbyt narkotykaŭ u vyhladzie pazbaŭleńnia voli terminam da 25 hadoŭ.
Ab hetym paviedamiŭ siońnia staršynia Viarchoŭnaha suda Valancin Sukała, jaki pryniaŭ udzieł va ŭračystaj cyrymonii adkryćcia novaha budynka rajonnaha suda ŭ Vałožynie.
«Tyja rašeńni, jakija byli pryniaty na naradzie pa pytańniach procidziejańnia niezakonnamu abarotu narkatyčnych srodkaŭ u kiraŭnika dziaržavy, ciapier realizujucca na praktycy. Padrychtavany ŭžo ŭ kančatkovym varyjancie prajekt dekreta, u jakim u pryncypie jość usio toje, ab čym havaryłasia na naradzie», — adznačyŭ Valancin Sukała.
U pryvatnaści, prajektam dekreta praduhledžana ŭzmacnieńnie adkaznaści za raspaŭsiudžvańnie narkotykaŭ. «U pieršuju čarhu heta zakranie raspaŭsiudžvalnikaŭ narkotykaŭ, tych, chto pradaje i raspracoŭvaje tak zvanyja dyzajnierskija narkotyki. Dla ich pakarańnie ŭstanaŭlivajecca pry asabliva abciažvajučych abstavinach až da 25 hadoŭ pazbaŭleńnia voli. Dla spažyŭcoŭ narkotykaŭ uvodziacca śpiecyjalnyja prafiłaktoryi z uzmocnienym režymam, h.zn. praduhledžany šerah navacyj, jakija ŭzmacniajuć adkaznaść za zbyt i ŭžyvańnie narkotykaŭ», — skazaŭ staršynia Viarchoŭnaha suda.
Pavodle słoŭ Valancina Sukały, antynarkatyčny dekret moža być padpisany da kanca biahučaha hoda.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary