Zabarona na pastaŭki zachodnich praduktaŭ charčavańnia ŭ Rasiju — časovaja źjava. Pra heta zajaviŭ prezident RF Uładzimir Pucin siońnia na naradzie z členami ŭrada.
Prezident Rasii vykazaŭ niezadavolenaść rostam cen u krainie. Pry hetym jon vykazaŭ razumieńnie, što šerah pytańniaŭ, źviazanych z rostam cenaŭ, majuć abjektyŭny charaktar. U pryvatnaści heta tyčycca impartnych tavaraŭ, ceny na jakija rastuć u suviazi z padzieńniem kursu rasijskaha rubla z-za źnižeńnia suśvietnych koštaŭ na naftu.
U jakaści druhoj abjektyŭnaj pryčyny rostu cen Pucin nazvaŭ abmiežavańnie ŭvozu ŭ RF impartnaha charčavańnia. «My ličym, što heta časovaja źjava», — skazaŭ jon, dadaŭšy, što ciapierašniaja situacyja pa cenach źviazana z vydatkami rasijskich kampanij, ź nieabchodnaściu pavialičyć vytvorčaść. U kančatkovym vyniku heta pojdzie na karyść i sielhasvytvorcam, i ŭsim hramadzianam krainy, ličyć prezident RF.
Na naradzie Pucin zapatrabavaŭ ad Fiederalnaj antymanapolnaj słužby prakantralavać rost cen u Rasii na bienzin pry ahulnym źnižeńni koštu nafty. «Niekatoryja rečy vyklikajuć pytańni. Voś na 10% na 1 śniežnia pavialičylisia ceny na naftapradukty pry źnižeńni suśvietnych koštaŭ na 35%», — skazaŭ jon. «Ale i heta jašče nie ŭsio, heta b nie vyklikała asablivych pytańniaŭ, choć jany, biezumoŭna, jość, asnoŭny rost zafiksavany ŭ roźničnym siektary, u toj čas jak u aptovym ceny źnižajucca», — padkreśliŭ Pucin.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary